Subscribe to Updates

    Get the latest creative news from FooBar about art, design and business.

    What's Hot

    قصة نجاح وتأسيس اكبر متجر مزادات في العالم eBay

    ديسمبر 11, 2022

    ازاى تحسب نسبة الربح من المبيعات

    نوفمبر 5, 2022

    ازاى تحسب ارباح السوبر ماركت او البقالة

    نوفمبر 5, 2022
    فيسبوك تويتر الانستغرام
    فيسبوك تويتر الانستغرام
    صاحب بيزنسصاحب بيزنس
    Contact us
    • الرئيسية
    • أفكار بيزنس
    • دراسة جدوى

      حدد شخصية عميلك Buyer persona

      نوفمبر 12, 2022

      7 افكار تسويقية للشركات الصغيرة

      نوفمبر 10, 2022

      خطوات عمل مشروع مربح -ازاي تكون صاحب بيزنس ناجح

      نوفمبر 8, 2022

      ازاى تحسب نسبة الربح من المبيعات

      نوفمبر 5, 2022

      خطة مبيعات مصغرة لمشروع صغير

      نوفمبر 5, 2022
    • كتب بيزنس
    • تحليلات
    • ثقافة مالية
    صاحب بيزنسصاحب بيزنس
    ثقافة مالية

    نصايح ذكية لتخفيض فاتورة مشترياتك أكتر من 50%

    واحدة من أهم وأبسط النصايح، اللي ممكن تساعدك انك تتأكد انك بتشتري بأقل الأسعار للمنتجات والخدمات.
    Sahib Biznsبواسطة Sahib Biznsنوفمبر 5, 2022آخر تحديث:يناير 8, 2023لا توجد تعليقات8 دقائق
    فيسبوك تويتر لينكدإن واتساب البريد الإلكتروني تيلقرام
    نصايح ذكية لتخفيض فاتورة مشترياتك أكتر من 50%
    نصايح ذكية لتخفيض فاتورة مشترياتك أكتر من 50%
    شاركها
    فيسبوك تويتر لينكدإن

    هل انت بتعاني من مشكلة التسوق بطريقة عشوائية ومبتعرفش تنظم اولوياتك وحاجتك اللي هتجيبها؟

    طيب انت عارف لو صرفت فلوسك بطريقة منظمة وكتبت كل حاجة انت عايزها ده هيخليك تصرف في حاجات اساسية ومش هتصرف فلوسك علي الفاضي، و هتبقي محدد فلوسك تروح فين؟

    ناس كتير مش بيخططو صح لما ينزلو الماركت عشان يتسوقو و بالتالي بيكتشفوا ان فلوسهم بتروح علي الفاضى في حاجات مش محتاجينها، عشان كدا مصطلح التسوق الذكي بيعبر عن الشراء بطريقة صحيحة و بيكون تسوق صحي وفي مكانه وفي نفس الوقت بتضمن ان ميزانيتك تروح للحاجات الضرورية.

    كثير من الناس ينفقون أموالاً لم يستحقوها، ليشتروا أشياء لا يحتاجوها ليثيروا إعجاب أشخاص لا يحبونهم. 

    ويل سميث

    في صاحب بيزنس هنقدملك 11 نصحية في التسوق الذكي:

    هنعرض عليك 11 نصيحة عشان تعرف ازاى تقلل من مصروفاتك وقت التسوق، للعلم النصايح دي هتوفرلك في حدود 50% من مصروفاتك:

    خطِّط للحاجات اللى هتشتريها قبل ما تنزل

    إقرأ المزيد: أسباب فشل معظم مشاريع الكافيهات

    زى ما كلنا عارفين ان التسرع في اى حاجة مش كويس ، و بالذات لو كانت القرارات مالية ، يعني لو قولت انا هسيب كل حاجة وقت الشراء و مفكرتش قبلها انت محتاج اه وكتبته في ورقة او نوت علي الموبايل هتلاقي فلوسك كلها بتتصرف و هتدفع اكتر ما انت متوقع ، وطبعا من علامات التسوق الذكى انك تروح للسوبر ماركت مرة كل اسبوع، لأن لو روحت كل يوم فلوسك هتخلص وهتلاقي نفسك بتصرف كتير .

    وقبل ما تنزل قرر هتشتري ايه؟ امسك ورقة وقلم و تكون في حالة هدوء ساعتها عشان تعرف تفكر كويس . أو قول لزوجتك تكتب لك طلبات الاسبوع واحتياجات البيت و الست بتكون ادرى بكل الاولويات، لان هي اللي ايديها علي طول فى البيت من طبيخ و تحضير الاكل ،و حاول تلتزم بقائمة المشتريات و متجبش حاجة برا عنها و متمشيش ورا رغباتك! لان اللي مكتوب في ورقة الاحتياجات هو كل اللي انت محتاجه و ضرورى ليك غير كدا انت هتبقي بتصرف علي الفاضى وهتخلص فلوسك و ميزانيتك الشهرية.

    ابعد عن الشراء المُتسرِّع والمندفع

    حاول بكل الطرق تبعد عن الشراء المتسرع لان كل ما كنت بتخطط قبلها هيبقي ده في مصلحتك وهتعرف تحدد اولوياتك كلها، غير لما تنزل من غير اي تخطيط وتحس ساعتها مش عارف تجيب ايه وتصرف فلوس كتير ودي حاجه غلط وفوضوية، ومن علامات التسوق الذكي انك متروحش السوبر ماركت للترفيه لازم تكون عارف الحاجات المهمة اللي انت عايزها و تحددها ، لان التسوق بيكون حاجة ممتعة فحاول تنظمها علي قد ما تقدر و متفكرش انك تنزل من غير تخطيط لمشترياتك عشان مش تحس انك جبت حاجات مش محتاج ليها.

    متخدش المدام السوبر ماركت ولا الاولاد

    حاوِل تروح للماركت لوحدك

    لو روحت السوبر ماركت مع اصدقاءك اللي بيحبو التسوق هيأثرو عليك في شراء اى حاجة و هيقنعوك انها كويسة و انت طبعا هتقلدهم في حاجات كتير، و تجيبها وتشجعو بعض علي كل حاجة، ودا طبعا غير لما تكون لوحدك هتفكر وتخطط كويس. وفي حالة لو روحت مع اولادك للتسوق وبالذات الصغيرين هتضطر تجيبلهم كل حاجة هما عايزينها، بس حاول ساعتها متلبيش طلباتهم كلها في اي حاجة تجذب انتباههم لانها ساعات بتكون مضره ليم وملهاش لازمة، و علمهم التسوق الذكى و احترام الأولويات، وانك هتجبلهم حاجه تانية صحية عن اللي اختاروها.

    ادفع كل اللي عليك من فلوس وادفعه نقدًا

    لو كنت من اصحاب البطاقات الائتمانية، اعرف ان مصاريفك هتزيد غير الاول، عارف ليه؟ اول حاجة : عشان البطاقة دي بتحتوى علي مبلغ كبير من المال وانت ساعتها هتصرف براحتك و مش هتعمل حساب لحاجة.

    وثانى حاجة : انك هتدفع بيها الكريديت فمش هتحس انك بتخرج فلوس من جيبك و تدفعها، دي بيكون خروجها سهل اوى وقت عملية الشراء، فمش هتحس انك بتخرج فلوس من جيبك عشان تدفعها، بس لازم تفكر في بعد كدا انك لو معرفتش تسدد الفلوس نقديا اللي صرفتها منها في الوقت المحدد ليك المبلغ هيبقي عليه فوايد وهيضاعف اكتر.

    حاول تبعد عنها وانزل بفلوس فى جيبك علي قد اللي انت محتاجله وهتشتريه، لان كل ما كانت الفلوس في جيبك كتير هتصرفها كلها ومش هتعرف تمسك نفسك عن الشراء، وهنا عرفنا ان من علامات التسوق الذكي في النقطة دي، انك تصرف علي قد اللي محتاجه وتنزل بالفلوس اللي انت هتصرفها في الأولويات، وكل اسبوع خلي في محفظتك علي قد الحاجات اللي هتجيبها.

    متتخدعش بالاعلانات الدعائية

    الاعلانات ليها تأثير كبير في اقناعك بالمنتج و بتجذبك بيه، و هتنزل تجيبه بكل بساطه،  بس خلي بالك معظم الحاجات دي بتكون مغرية علي الفاضي، و ده شغلهم طبعا لازم يعملو كدا و يجذبوك ويسوقوا للمنتج بتاعهم ، وانت في الاخر بتندم لو جبت الحاجة دي و مطلعتش زي ما كنت متوقع وبتصرف فلوس وخلاص.

    فحاول متشتريش المنتجات اللى بتعتمد علي الاعلانات و الدعايا، و اتعامل مع الاعلانات دايما علي انك شاكك فيهم ومش هتديهم الثقة بسهولة في اي منتج وانك عندك عقل تفكر بيه كويس اذا كان ده يناسبك او لأ،  لان اغلبيه الاعلانات بتعتمد علي ازاي تسوقلك المنتج عشان تشتريه وده المهم عندها.

    متروحش السوبر ماركت وانت حاسس انك جعان

    لو روحت الماركت وانت جعان ساعتها رغبتك في الاكل وشهيتك هتأثر عليك وهتشتري حاجات كتير اكتر من اللي محتاجها، وهتكتشف في الاخر انك مليت عربية التسوق فجأة بحاجات كتير انت مكنتش محتاجها من الاطعمة، واغلبها بيكون مش صحي ليك، عشان كدا متروحش وانت جعان ده هيأثر عليك كتير بالسلب وانت بتشتري.

    استغِل العروض و الخصومات

    من اهم عناصر التسوق الذكي هو انك تستغل العروض اللي بتنزل علي الحاجات اللي انت محتاجها. لأن العروض بتغري الناس كلها وبتكون حاجة سهلة تخليك تشتري، و كل الناس دلوقتي بتروح علي العروض  بس خلي بالك ان العروض ممكن تدفعك انك تشتري حاجات انت مش محتاج ليها، هنا كدا العروض هتبقي جات عليك بالسلب فشوف الاولويات بتاعتك دايما.

    وفكر في كل اللي انت محتاجه وهتشتريه فعلا، ولو لقيته في قايمة الخصومات يبقي كويس، و بردو حط في دماغك انهم هما اللى كسبانين في النهاية وبتبقي عروض معظمها وهمية فمتخليهاش تغريك.

    متمشيش ورا تقسيط اي حاجة

    احسن حاجة ليك انك تبعد عن طريق التقسيط وادفع كاش، في التقسيط الفايدة الاكبر بتعود علي الشركة، لانها بتزود و بتكسب فلوس من خلال الفوايد علي المنتج، و عشان متقعش في حتة التقسيط دي و الحاجات المغرية من ناحيته، عود نفسك دايما انك مش هتجيب حاجه غير وفلوسها كلها معاك، وانك هتخطط وتوفر الفلوس بتاعتها عشان تشتريها غير كدا يبقي لأ.

    والاقساط دي امثلتها: زي تقسيط شراء منزل او سيارة او تكييف او اي حاجة غيرهم، فمتخليش حاجة تغريك حتي لو كنت محتاج للجاجة دى دلوقتي، واحسب التمن الاجمالي اللي هتدفعه بعد كدا من القسط ده القسط الشهري – عدد اشهر الاقساط و شوف ايه هيكون اوفر ليك.

    مهم: افضل طريقة تعرف بيها مشروعك التاني

    اعرِف امتي تصرف فلوس كتير علي الماركات

    يعني مثلا مش حاجة منطقية انك تشترى شرابات من اغلى الماركات، لانها من الطبيعي هيجيلها وقت وتقدم زي غيرها و ترميها، بس لو فكرت تشتري مثلا شوز من ماركة معينة وجودته عالية ده هيبقي كويس ليك لان استهلاكات الاحذية محتاجة ماركة كويسة جدا وتستحمل، لانه هيعيش معاك فتره كبيرة، ومش هتضطر تشترى كل شوية، و هنا هتوفر فلوس علي المدي البعيد.

    وخلي بالك كويس اوي ان انت هنا مش بتدور علي الحاجة اللي سعرها يكون مرتفع و خلاص وانك لازم تجيب اغلي حاجة لان الجودة هنا مش بالسعر، انت لازم تدور من ناحية الماركات و شوف اىه احسن و افضل الماركات من حيث الجودة.

    قاعدة العشر ثواني

    جرب كدا قاعدة العشر ثواني في التسوق الذكي هتلاقيها بتساعدك جدا علي توفير المال، طب ايه هي قاعدة العشر ثواني دي: بطريقة بسيطة هتفكر 10 ثواني عشان تجاوب بنفسك علي  الاسئلة اللي هقولك عليها كمان شويه، ولو اجابتك مكنتش“بنعم” على كل الاسئلة ،فهنا تعرف انها علامة مهمة انك تبعد بصرف مالك عن الحاجة دي.

    هل بستخدم المنتج بشكل مستمر؟ هل هشرب كل اللبن دا قبل ما يفسد؟ فيه حاجة عندي و بمتلكها هتحل محل الحاجة دي؟ هل لو اشتريت الحاجة دي حياتي هتتحسن و تتغير للافضل؟ هل هضيع الفرصة لو مجبتش المنتج ده دلوقتي؟
    ليه عايز اشتري المنتج ده هل خلص من البيت؟ كل دي اسئلة هتساعدك علي تحديد أولوياتك و حاجتك الاساسية في حياتك عشان من خلالها تعرف توفر فلوس.

    ركز مع  انفاقك وتتبَّع جميع مصروفاتك

    احتفظ دايما بالايصالات اللي بتاخدها من مشترياتك  او اكتب مشترياتك في ورقة عشان تفتكرها وراجع فواتيرك كل شهر، و ركز انت فلوسك رايحة علي فين وبتشتري ايه، و بعدها حط حد شهري او اسبوعي لكل تصنيف من التصنيفات، واتأكد ان ميزانيتك الاجمالية اقل من دخلك في الفترة الللي انت حددتها، ولو اكتشفت في الاخر ان الادخار بيفيض منه فلوس لما بتيجي تصرف منه يبقي كويس ليك جدا وده طبعا هيخليك عندك نظرة دقيقة ومنظمة لوضعك المالي.

    قسم مشترياتك علي اقسام محددة طعام – ملابس – ترفيه – غيرها، عشان توصل للاقسام اللي بتصرف عليها فلوس كتير ودي طبعا بتكون هدف جيد لتوفير المال.


    في النهاية التسوق الذكي محتاج قرارات انفاق عقلانية وتخطيط وتنظيم لادخار المال، يعني حاول تعدل من ميزانيتك الشهرية علي قد ما تقدر عشان تعرف تدخر جزء من مرتبك لاستثمارك و تحقق اهدافك و ترتاح بعد كدا.

    شاركها. فيسبوك تويتر لينكدإن واتساب البريد الإلكتروني تيلقرام
    السابقملخص كتاب مليونير في دقيقة واحدة
    التالي ازاي تعدي من الازمات المالية وتنمو
    Sahib Bizns
    • موقع الويب

    موقع عربي متخصص في البيزنس ، هدفه الرئيسي مساعدتك في كسب المال وتحسين وضعك المعيشي.

    المقالات ذات الصلة

    نصيحة ملياردير عنده 10 شركات

    ديسمبر 8, 2022

    أسرع طريقة لسداد الديون المتراكمة

    نوفمبر 10, 2022

    ازاي تتجنب تقع في فخ الكماليات الغير ضرورية؟

    نوفمبر 5, 2022

    4 اسباب هتخليك تفكر تدخر من دلوقتي

    نوفمبر 5, 2022

    اترك تعليقاً إلغاء الرد

    • فيسبوك
    • تويتر
    • الانستغرام
    • يوتيوب
    • تيكتوك
    • تيلقرام
    Don't Miss
    تحليلات

    شرح مُبسط للي بيحصل في الجنية جـ2

    بواسطة Sahib Biznsيناير 22, 20230

    تعقيبًا على التوينة الاولي “شرح مُبسط للي بيحصل في الجنية” عن حركة الجنيه الأخيرة، في…

    شرح مُبسط للي بيحصل في الجنية

    يناير 22, 2023

    قصة نجاح وتأسيس اكبر متجر مزادات في العالم eBay

    ديسمبر 11, 2022

    دروس في الحياة والتجارة من اغني رجل بالصين

    ديسمبر 8, 2022
    فيسبوك الانستغرام واتساب
    • home
    • About
    • Terms of use
    • Privacy Policy
    العلامة التجارية وجميع الحقوق محفوظة © 2022 صمم بواسطة elsayed ghibaish

    اكتب كلمة البحث ثم اضغط على زر Enter