في التدوينة دي هنتكلم عن نصائح ودروس في الحياة والتجارة من اغني رجل بالصين جاك ما ودا هيكون من خلال أسئلة واجابات هنعرضها ليك بشكل بسيط، اجابات الاسئلة دي هتساعدك كتير لو أنت بتبدأ شغلك الخاص.
يمكنك أن تعمل 8 ساعات يومياً من أجل الراتب و10 ساعات من أجل المدير الجيد و24 ساعة من أجل فكرة تؤمن بها!
ايه حصل لما بدأت تعمل شركة؟
اول حاجه هتخسر الدخل الثابت الشهري، وهتخسر في انك تطلب اجازة من شغلك، وانك تاخد زيادة في المرتب والمنح،
بس في الواقع معنى انك تعمل شركة مش هيكون مرتبك محدد، وهتعرف تستغل وقتك صح، ومش هتحتاج انك تطلب مساعدة من اي حد، لما تغير تفكيرك، هتغير النتيجة في حياتك، ولو خدت قرارات غير اللي حواليك، اكيد هتختلف حياتك عنهم.
إقرأ المزيد: أهم 11 درس لما تبدأ شغلك الخاص
ايه أكتر حاجه ندم عليها جاك ما؟
سنة 2001، عرض جاك على 18 زميل ليه في الشغل انهم يبدأو مشوار العصامية، وقالهم ان المناصب الكبيرة في شركته هتكون ادارية بس، والمناصب التنفيذية ونواب الرئيس هتكون لموظفين محترفين من بره الشركة.
بعد ما عدا سنين على كلامه ده، ندم على توظيف كل واحد من بره الشركة، اشتغلوا معاه فترة وبعدين سابوه عشان يدوروا على شغل احسن، واللي كان شاكك فيهم للمناصب دي، بقوا تنفيذيين ونواب رئيس، بس في شركات تانية.
واتعلم من التصرف دا درسين مهمين جدا:
- تصرفاتك اهم من قدراتك.
- قراراتك اهم من قدراتك، يعني قدراتك مش مهمة لو متحركتش وتعمل اللي انت قادر عليه، وقراراتك بتتكلم احسن من قدراتك.
الفرصة..
جاك ما بيقول لو لقيت 90% من الناس اللي حواليك بيقولوا نعم لعرض معين، هرفض العرض ده وهرميه في الزباله.
وده بسبب، لو فيه عدد كبير من الناس متفقين ان العرض ده كويس جدا، ده معناه ان فيه عدد كبير غيرهم عاوزين ينفذوا العرض ده، وفي الوقت ده هتكون الفرصة ليهم مش لينا.
نصايح جاك ما للعصاميين
- الفرصة الكبيرة صعب شرحها، الحاجات اللي ممكن تعرف تشرحها وتكون واضحه، مش هتكون احسن الفرص.
- لازم تدور على شخص يكمل الناقص عندك عشان تعرف تعمل شركتك.
- مش لازم تدور على شخص ناجح، دور على الشخص الصح مش الافضل.
- اكتر حاجه مش ينفع تعتمد عليها في الدنيا، هي العلاقات الشخصية.
- كلمة مجانا هي الاغلى، واكتر في تكاليفها.
- النهاردة يوم صعب، بكره هيكون أصعب، بس بعد بكره هيكون كويس.
- الفرص اللي محدش شايفها هي الفرص الصح.
- خلي الموظفين بتوعك يروحوا الشغل وهما مبسوطين.
- العميل رقم واحد، والموظف رقم 2، بعد كدا المستثمر والمساهم رقم 3.
- اقبل اي حاجه جديدة، واتغير انت الاول، قبل ما تتغير التوجهات والرغبات.
- انسى الفلوس، متفكرش في الربح.
- تصرفاتك وشغلك هيحددوا انت هتوصل لفين.
مهم: 11 درس من الحياة والتجارة
هدف واحد..
- من المستحيلات انك تكون مفكر انك قادر على توحيد الناس على فكر واحد.
- 30% من الناس مش هيصدقوك نهائي، متخليش زميلك وموظفينك يشتغلوا عندك، خليهم يشتغلوا عشان هدف معين.
- سهل على الشركة انها يكون ليها هدف مشترك، بدل من ان الشركة يكون ليها شخص الناس تمشي وراه.
السياسة نجاسة، ابعد عنها..
لازم تكون فاهم ان الفلوس وقوة السياسة مش بيتقبلوا نهائي، لو دخلت في معركة السياسة متفكرش في فلوسك نهائي، لو بدأت تشغل فلوسك، اوعى تخش في السياسة ولا تتوغل فيها.
لما بتجتمع الفلوس والقوة السياسية، يبقى الموقف وقتها زي عود كبريت جنب متفجرات، مستنيه الفرصة عشان تنفجر.
متخليش حياتك كلها شكوى وحزن
لو اشتكيت او حزنت بسبب حاجه معينة، مرة كل فترة كبيرة عادي مفيش مشكلة، بس لو الشكوى والحزن عادة عندك،
في الوقت ده هتكون زي شرب الخمور، كل ما تشرب هتعطش اكتر وتدمر نفسك. ولما تمشي على طريق النجاح، هتلاقي اللي ناجح نادر لما يشتكي العالم مش هيفتكر اللي بتقوله، بس مش هينسى اللي عملته.
