ازاي تسدد ديونك المتراكمة بسرعة؟ طبعا من السهل جدا انك تلاقي نفسك واقع وسط دوامة الديون اللي مبتخلصش، لكن الصعب هو انك ازاي تتخلص من الديون دي بسرعة و انك متخدش وقت كبير عشان تسددها!
متقلقش كل حاجة وليها حل لو كنت انت فعلا عايز من جواك تتخلص من الديون دي عشان مش من مصلحتك انك تفضل مديون كدا طول حياتك، لازم تبدا تفكر ازاي هتتخلص من الديون و تعاهد نفسك انك متبقاش مديون تاني وده تعيش مرتاح البال ومبسوط.
الدين هم بالليل ومذلة بالنهار.
فكّر كدا ليه بقيت مديون؟
قبل ما تفكر ازاي تتخلص من الديون المتراكمة فكر الاول ليه وصلت للمرحلة دي وبقيت مديون؟
لازم تجاوب علي السؤال، ده ضروري ليك عشان تفكر كويس بعد كدا قبل ما تقع في فخ الاقتراض و متقعش تاني في نفس الغلطة وانه كان ممكن تلاقي حل اسهل بكتير من انك تبقي مديون.
إقرأ المزيد: أسباب فشل معظم مشاريع الكافيهات
امنع نفسك عن الديون
عاهد نفسك علي انك تمتنع عن الاقتراض، و ده طبعا لوحده مش كفاية انه يخلصك من سداد الديون، بس علي الاقل مش هيزودها عليك ومش مشكلة لو هتمر بأزمة مالية شديدة حتي لو لفترة.
عيش تحت مستوي دخلك، يعني لو في الشهر دخلك مثلا 5,000 حاول توفر منه اقل حاجة 10% وركز في مصروفاتك هتلاقي بند او اكتر ممكن تقلل منهم.
حط لنفسك ميزانية وإلتزم بيها
عمل ميزانية لمصاريفك وإلتزاماتك هيساعدك تتخلص من الديون وهيحسن من مستوي معيشتك بعد كده، لما تسجل مصاريفك وتكون حاسب دخلك كام ومسجل مصاريفك اول بأول هتقدر تدير امورك المالية بالكامل.
اعمل خطة لمصروفاتك الثابتة لان اكتر حاجة بتعرقل الادخار انك تشتري كل ما تحتاج بدون خطة وتزنق نفسك باقي الشهر، هات كل اساسيات بيتك في بداية الشهر.
ركز في دين واحد الاول
لو ركزت علي دين واحد هتعرف تتخلص منه، لانك كل ما بتركز في حاجه معينة واضحة غير لما تلاقي كم كبير قدامك فاخلص من دين دين لو اللي باقي من دخلك مش هيساعدك تسدد اكتر من دين.
حاول تكسب فلوس اكتر
حاول تدور علي وظيفة تانية مع شغلك الاساسي عشان تزود دخلك، هات ورقة وقلم وشوف انت مهاراتك ايه؟ وحط خطة لرفع مهاراتك الحالية، ده هيساعدك تلاقي شغل فريلانس بجانب شغلك.
لو معاك مبلغ صغير فكر ممكن تشتري ايه جملة وتبيعه في دواير معرفتك، حتي لو المكسب قليل واحدة واحدة تجاراتك هتكبر.
مهم: 11 درس من الحياة والتجارة
اهتم بالصدقات
ده يعتبر اسرع حل لتسديد الدين، عشان كل ما اهتميت انك تخرج جزء من مالك للصدقة كل شهر ربنا هيباركلك في فلوسك و هتلاقيها بتزيد و بيجيلك رزق جديد.
يقول ﷺ: ما نقص مال من صدقة.
