مجال الاستثمار العقاري من المجالات اللي ممكن تكسب منها ارباح كبيره جدا وتعمل ثروة كمان ، مش مجرد ربح بس ! كمان الدخول في المجال ده مش سهل ومش اي حد يقدر علي الاستثمار في المجال ده .
في التدوينة هكلمك علي 7 نصائح هيساعدوك تبدأ في مجال الاستثمار العقاري بكل اريحية :
إقرأ المزيد: التسويق بالأسرار – أرجوك متقولش لحد
هدفك من الاستثمار العقاري
لازم تكون محدد هدفك قبل ما تفكر تشتري اي عقار ، يعني لازم تشوف نفسك الاول انت هتبيع علي طول ولا هتشتري وتركن الشقة او البيت او الارض شوية.
تحضيرات اليوم تحدد إنجازات الغد.
فخلي بالك من الخطوة دي ممكن تبان ليك سهلة وبسيطة ، لكن في الحقيقة هي خطيرة ، عشان في ناس بتقول انا اشتري وبعد كده اقرر هبيع ولا استني شوية ، طبعا ده بيكون اكبر غلطة بتعملها في مجال الاستثمار العقاري .
انواع الاستثمار العقاري
- الاستثمار العقاري بالأراضي السكنية زي تأجير المنازل – بيع الوحدات السكنية
- الاستثمار العقاري التجاري زي إنشاء مبنى تجاري لتأجيره – بناء مبنى تجاري لبيعه – إنشاء مبنى تجاري بالشراكة.
- الاستثمار في العقارات الإدارية.
- الإستثمار في العقارات الصناعية
- شراء عقار و تجديده و بيعه، ودا استثمار سريع.
السيولة
المجال دا انت بتجمد فيه فلوس كتير اوي ، عشان في مشاريع عقارية بتاخد وقت في الانشاء وكمان انت بتقعد تدفع دفعات كتير لغاية لما بتستلم وغير كمان الحاجات اللي بتكون مستخبيه زي اعمال الصيانة،
كمان المشكلة لو فكرت تبيع هتاخد وقت طويل لما تلاقي حد يشتري بالسعر اللي انت عايزه، عشان كده لو بتفكر في المكسب السريع مش ممكن ارشح ليك الاستثمار العقاري نهائي ، لانه من الاستثمارات السلبية اللي بتحتاج وقت كبير عشان تعرف تحقق ربح من وراءها .
ابحث علي العقار المناسب
لازم تخذ وقتك في التدوير علي عقار يناسب اهدافك الاستثمارية ، مهما كان العقارات اللي بتشوفها كويسة ومغرية لازم تكون عارف هدفك من الشراء هو إعاده البيع عشان تكسب منها وتحقق اكبر ربح ممكن منها .
الاصرار علي الهدف
خليك دايما عندك رغبة في تحقيق اهدافك خصوصا ان سوق العقارات مش مضمون يوم ممكن يكون فوق ويوم تاني تحت، وفي مشاكل كتير ممكن تقابلك فلازم تصر علي تحقيق النجاح طالما دخلت مجال الاستثمار العقاري وتتعلم وتكتسب الخبرات اللي تساعدك تنجح في المجال ده.
فكر خارج الصندوق
ممكن ميكونش عندك خبرة كبيره في المجال ده، وممكن كمان تخسر فلوس فيه، وممكن كمان تستني شوية عشان تكسب في المجال ده او تسترد فلوسك!
بس في فكرة كويسة وفي شركات كتير دلوقتي بتقدم الخدمة دي وهي انك بتروح شركة استثمار عقاري وبتستثمر فلوسك معاهم ، طيب ازاي؟
في شركات بتكون بتعمل مشاريع انشاء عقارات وبعد كدا بتبيعها وبيرجع ليك ارباح نتيجة البيع وفي حاله الخسارة انت بتكون ضامن شقة في المشروع بتاعهم وفي الحالتين انت كسبان.
حاوط نفسك بالناس الخبرة في المجال
حاول تتواصل مع ناس ليها خبرة ومعلومات في الاستثمار العقاري، عشان تقدر تستفاد منهم وتشوفهم بيحققوا ارباح منه ازاي؟
عشان هما بيكونوا عندهم خبرة بالسوق عامل ازاي وامتي بيشتروا وامتي بيبيعوا ؟
ولازم تكون علي تواصل الفئات اللي بتشتغل في المجال ده زي العمال – المقاولون – اصحاب الشركات.
مهم: 11 درس من الحياة والتجارة
فرق بين الاستثمار العقاري والشغل في مجال العقارات
لازم تكون فاهم الفرق، الشغل في مجال العقارات يعني انك بتشيل شغل مقاولات سواء في تأسيس مباني او اعمال الصيانة والتشطيب للعقارات وغيرها ..
اما الاستثمار العقاري هو انك بتستثمر فلوسك في شراء وبيع العقارات المختلفة.
اخيرا المجال ده من المجالات الصعبة جدا في الاستثمار لانك بتجمد فلوسك فيه لمدة طويلة وكمان لازم يكون عندك خبرة كافية عشان تستثمر في المجال ده وللعلم هو من استثمارات الدخل السلبي.
