في السعودية في الكام سنة اللي فاتوا بقي في اهتمام كبير جدا من المملكة بأعمال البناء والتعمير والتشطيب الداخلي والخارجي للعمارات والشقق السكنية وكمان الشركات والمحالات التجارية.
وطبعا مشروع شركة المقاولات من المشاريع اللي فيها نسبة نجاح عالية جدًا.
العمل في المجال ده مربح جدا! بس رغم كده مينفعش الدخول فيه بشكل عشوائي علي طول، ولكن الدخول بناءً على نتائج دراسة جدوى متكاملة بتضمن الدخول في المجال ده بشكل كويس وقوي جدا لسوق.
ولازم تستشير مكتب دراسة جدوى كويس عشان يعرفك ازاي تدير شركة مقاولات بنجاح وده من الخطوات المهمه جدا عشان هو هيعرفك علي ادق التفاصيل اللي المفروض انت تعرفها عن المشروع من كل الجوانب مالياً وفنياً وإدارياً.
الأقسام اللي لازم تكون موجودة في دراسة جدوى شركة مقاولات:
إقرأ المزيد: افضل طريقة تعرف بيها مشروعك التاني
الخدمات اللي بتقدمها شركة المقاولات
لازم تكون فاهم ان انشطة شركة المقاولات مش بتوقف على أعمال البناء وبس، لكن بتدخل في كل حاجه سواء انشطة تخصصية او مكملة.
يعني بتبدأ معاك من اول المقاولات المباني السكنية والتجارية والتعليمية وكمان مقاولات التشطيب الدخلي زي أعمال السباكة والنجارة والحدادة والديكور حتي اعمال أعمال الصيانة المستمرة.
تكلفة تأسيس شركة مقاولات
في بعض المكاتب بتساعد المستثمرين لبداية مشروعهم في تأسيس شركة مقاولات بالمملكة بمبلغ يتراوح بين 3000- 5000 ريال سعودي، ودي الاوراق اللي بتساعدك في استخراجها:
- فتح سجل تجاري مع الرسوم الحكومية لمدة سنة لجميع الأنشطة الموافق عليها الكترونياً.
- فتح ملف مكتب عمل لإصدار شهادة السعودة ونقل كفالة العمالة إليها.
- فتح ملف في التأمينات الاجتماعية وإصدار شهادة.
- فتح ملف في مصلحة الزكاة والدخل وإصدار شهادة الزكاة والقيمة المضافة VAT.
- فتح عنوان مرسالات لاستلام وتلسيم الوثائق عن طريق البريد.
- جميع الخدمات شاملة الرسوم الحكومية والتعقيب فقط لهذه الخدمات.
الدراسة التسويقية لشركة مقاولات
دراسة الجدوى التسويقية مهم جدا لشركة المقاولات عشان بتعرف منه:
- درجة المنافسة.
- سياسات التسعير في سوق المقاولات وحجم الطلب علي الاعمال الانشائية في المملكة عامل ازاي؟ وهل هي مستكفية بالشركات الموجودة ولا لأ؟
- ازاي تسوق لشركة المقاولات بتاعتك عشان تظهر بشكل كويس وقوي جدا في السوق، وتعرف تنافس بشكل قوي ولازم تعمل ترويج لنفسك عند اصحاب شركات الاسكان وشركات الاستثمار العقاري، لان ده هيقوي سمعتك في السوق وهيخلي في طلب علي اعمال شركتك .
نصائح هتساعدك تظهر بسرعة في السوق
- خلي بالك من مقر شركتك لان ده بيعكس صورة عنها وبيساعدك تسوق لشركة بشكل كويس.
- كتر من عمل اعلانات في الصحف والمجلات الاقتصادية.
- اشتغل بذكاء التواصل مع الشركات اللي لسه مبتدئة وفي نفس حجم شركتك، اعرض عليها الشراكة عشان تخدوا مشاريع حجمها اكبر.
- لازم تعمل تواصل مع المستثمرين والمطورين العقاريين.
تجهيز الشركة بالمعدات والعمالة
1. الآلات والمعدات:
بتختلف الآلات والمعدات الفنية من شركة للتانية حسب تخصص الشركة وبيختلف حجم وشكل الآلات والمعدات من مشروع للتاني، والدراسة الفنية بتحدد أنسب الآلات والمعدات للمشروع، يعني لو تخصص الشركة مباني انشائية هتلاقي عندها معدات ثقيلة، اما لو تخصصها تشطيب هتلاقي عندها معدات زاي المعدات للسباكة ، معدات كهربائية ، معدات للنجارة وغيرها من المعدات.
2. العمالة المطلوبة:
هنا بيتم تحديد عدد العمالة اللازمة علي اساس حجم رأس مال الشركة وتخصصها وحجمها، وكمان حسب دراسة الجدوى اللي هتقوم بيها الشركة.
نصائح لإنجاح المشروع
مفيش شك أن مشروع شركة مقاولات ناجح ومربح جدا، عشان موجود داخل قطاع حيوي، والطلب على أعمال التشييد والبناء واعادة الترميم والتجديد مستمرة وفي تزايد.
كمان نسبة المخاطرة فيه بتكون بسطية، لكن كل المميزات دي مبتضمنش ليك النجاح في المشروع بدون ما يكون في إدارة ناجحة.
