ازاي تعمل خطة مبيعات قوية لمشروعك او شركتك

طبعا الهدف الاساسي من ان عمل خطة مبيعات من الاساس، اننا عايزين نبيع اكبر كمية ممكنة من المنتجات، عشان نحقق اكبر ربح ممكن، ومشروعك ينجح في السوق.

تعالي اقولك ازاي نعمل خطة مبيعات قوية وبشكل احترافي:

نحن نعيش في عصر الإنترنت، الكل يريد النقرات! النقرات هي ما يتم بيعه.

Trevor Noah

لازم تكون عارف اهمية وجود خطة مبيعات

تخيل كده لو انت معندكش خطة مبيعات ونازل السوق تبيع المنتجات بتاعتك، تفتكر هتحقق ارباح؟

لأ طبعا، لان لو انت معملتش خطة مبيعات وعرفت السوق كويس، انت كده بتحكم علي نفسك بالفشل، فضروري تعمل خطة مبيعات قوية، عشان ده هيساعد في كذا حاجة:

إقرأ المزيد: أسباب فشل معظم مشاريع الكافيهات

• تحديد هدف المبيعات لمشروعك.
• هتعرف تختار استراتيجية للمبيعات بالطريقة تناسبك وتنفعك في السوق.
• هتعرف تعمل ميزانية للخطوات اللي انت عايز تحقق بيها هدفك من المبيعات وهو طبعا تحقيق اعلي نسبة من الارباح.
• هتعرف تعمل خطط مبيعات لمناديب المبيعات اللي عندك.
• كمان هتساعدك في وضع برنامج حوافز، تعرف تحفز فريقك علي العمل باستمرار.
• كمان هتسهل عليك مراجعة اهدافك وتشوف وصلت لفين في خطتك و هتعرف تطورها.

في شركات ممكن تعمل خطة المبيعات ضمن خطة التسويق بتاعتها، وفي ناس تانية بتعملها لوحدها، انا بفضل تكون مستقلة عشان تعرف تحدثها وتطورها بشكل يتناسب مع السوق في الوضع الحالي،

كمان في شركات بتطور وتغير خطة المبيعات بتاعتها كل 3 شهور او 6 شهور او سنة، حسب متغيرات السوق. فمهم تكون خطتك مرنة وقابلة للتعديل في السوق.

ازاي اعمل خطة المبيعات بنفسي؟

زي ما قولتلك لازم تكون قابلة للتعديل والتطوير، وهي بتتكون من عده خطوات:

1. دراسة السوق عشان تعرف تبيع كويس

من اهم خطوات خطة المبيعات القوية لازم تكون فاهم السوق كويس، هو محتاج ايه – ومين الفئة المستهدفة من السوق – وحجم استهلاكها عامل ازاي – ومين المنافسين ليك في السوق- وهل المنافسة دي محلية بس – ولا محلية وخارجية (منتجات مستوردة)، وكمان تسأل نفسك هو ليه الطلب علي المنتج ده كبير؟

كل ده هيساعدك تفهم السوق صح وتعرف تنافس وتبيع بشكل كويس وتحقق اعلي عائد من الارباح.

2. اعمل خطة تسويق الخاصة بمشروعك

طبعا لما تكون عامل خطة تسويقية لمشروعك بشكل قوي، اكيد هيسهل عليك تعمل خطة مبيعات بشكل كويس،
لان خطة التسويق الخاصة بمشروعك هتساعدك:

• هتعرف تعمل علامة تجارية لمنتج بتاعك وهتسمع في السوق.
• هتعرف ازاي تجذب وتحفز المستهلكين لشراء المنتج بتاعك.
• طبعا هتساعدك انك تحقق اعلي نسبة ارباح.

تنوية: لو مش هتعرف تعمل خطة تسويقية تقدر تراجع تدوينة سابقة بعنوان دليلك لعمل الدراسة التسويقية.

3. توقعك للمبيعاتك واهدافك في السوق

لازم تراجع تاريخ وسجل المبيعات الفترة الاخيرة للسوق، لان ده هيساعدك في توقع حجم مبيعاتك وقيمتها، وكمان هيساعدك في وضع اهداف لإجمالي المبيعات اللي عايز توصل ليها في السوق.

طيب ايه هو سجل المبيعات؟

ده بيكون عبارة عن حاجة بتشوف فيها مستوي اداء مبيعاتك خلال فترة معينة في السوق، عامل ازاي؟ وبتشوف لو محتاجه تطوير وتعديل ولا الدنيا ماشية بشكل كويس في المبيعات، وممكن تراجع السجل ده كل اسبوع – شهر – 3 شهور علي حسب حجم مبيعات، المهم يكون بشكل منتظم.

طيب ازاي اتوقع مبيعاتي؟

زي ما قولتلك بتراجع سجل المبيعات وكمان دارسة السوق، هيخليك تتوقع بشكل كويس لحجم مبيعاتك،
وده راجع لشوية حاجات:

مهم: 11 درس من الحياة والتجارة

كمان لازم احدد أهداف مبيعاتي

يعني لازم احدد انا عايز ابيع قد ايه من المنتجات بتاعتي، عشان اوصل لنقطه بداية الارباح اللي هي نقطة تعادل المشروع، وبعد لما اوصل لنقطة التعادل هبدأ احقق ارباح.

عشان كده بقولك لازم تكون محدد اهداف المبيعات بتاعتك من بدري، يعني تكون عارف السنة الجاية هتبيع منتجات بقيمة كام (فلوس) وبكمية قد ايه؟ عشان تحدد الارباح بالظبط او المتوقع الوصل ليها، ومينفعش تدخل السنة الجديدة وانت مش محدد هدفك من المبيعات بتاعتك حتي علي الاقل اول 3 شهور من السنة.

4. خطط كويس جدا عشان تحقق مبيعاتك

وهنا بعد ما تكون حدد هدفك من المبيعات يجي الدور علي خطوه التخطيط لتحقيق الهدف ده ازاي يعني دلوقتي انت قولت مثلا انك هتبيع منتجات بقيمة 1,0000,000 جنية خلال اول شهرين من السنة طيب ايه بقاء الخطه لتحقيق الهدف ده

1. هبيع منتجاتي في منطقة جديدة لسه منزلتهاش (فتح سوق جديد).
2. هزود نسبة مبيعاتي لكل عميل، يعني لو كل بياخد مني 20% هقنعه انه يزود النسبة ديه (فكرة العروض).
3. ممكن اشوف العميل محتاج ايه، عشان اكمله احتياجه ده زي فكرة ان العميل يشتري من عندي كل حاجة.

5. ازاي انفذ خطة مبيعاتي؟

انت دلوقتي عملت كل الخطوات اللي فاتت دي يجي الدور علي تنفيذ الخطة وده بيكون عن طريق:

1. اختيارك لفريق عمل قوي يقدر ينفذ الخطة اللي انت عايزها، عشان تحقق اعلي نسبة مبيعات في السوق.
2. امتي هتبدأ في تنفيذ خطتك وامتي هتوقف العمل بيها.
3. الخطة دي هتكلفك قد ايه.

6. الميزانية

طبعا عشان تحقق اعلي نسبة ارباح من مبيعاتك، لازم هتصرف فلوس في مقابل ده، فلازم تكون محدد الميزانية بتاعتك من بدري عشان تكون عارف هتصرف قد ايه، وفي المقابل هتكسب قد ايه.

كمان لازم تكون متأكد ان خطة مبيعاتك هتكسبك فلوس اكتر من اللي هتصرفها عشان تحقق الارباح.

7. تقييم خطة مبيعاتك

1. لازم كل فترة تراجع خطتك وتشوف هي بتحقق المطلوب منها ولا لأ، علي الاقل كل 3 شهور.
2. لازم تتطور وتحسن خطتك كل فترة حساب التغييرات اللي بتم في السوق والمنافسين.

---