على مطعم في سفينة في البحر، كان المدون ديف سكولز قاعد مع ملياردير عنده 10 شركات، الكلام بينهم كان كتير وقدر المدون انه يعرف من الملياردير شوية نصائح للناس، من تجربته وخبرته، اسم الملياردير مجهول عشان هو مبيحبش الاعلام ولا الشهره.
الملياردير ده كان بيشتغل مُدقق جودة، يعني بيشوف المعايير اللي ملتزمة بيها الشركات بجودة أيزو 9000، وده كان له الفضل في حياته العمليه وعلى طريقة ادراة الشركات وتجارته بعدها.
البداية
اول موقف هتاخدوا على الملياردير ده انه هيكون مدفون في ادارة الشركات وتجارته، العكس هو كان بيحب البحر والسفر والاستمتاع مع اسرتة في فترات كتير في السنه، عشان كده هنتكلم عن نصايح الملياردير ده عشان تقدر تستفاد منها في حياتك العملية.
لازم يكون ليك اكتر من مصدر دخل
لو بصيت لشركة واحدة من شركاتة العشرة، هتقول انها شركة صغيرة، ومش هتلاقي الانبهار ولا الاعجاب بيها، هتلاقيها شركة تقليدية، بس بتجيب دخل كبير وفي زيادة ديما، والاهم من الفلوس انها بتقدم خدمات كويسه، دلوقتي اضرب الشركة دي في 10، وهتلاقي الدخل السنوي زاد وبقى مليارات، واهم حاجه ان الدخل ده متعدد المصادر، لو شركة او تجارة معينة فشلت التانيه تسندها.
مهم: افضل طريقة تعرف بيها مشروعك التاني
متخليش حد يشاركك
لو انت قادر تكون لوحدك متاخدش شريك معاك، لو زاد عدد الشركاء، الارباح هتتقسم، وهتلاقي نفسك بتحارب عشان تثبت ان رأيك الصح، والوقت بيطول في تنفيذ اي حاجه، الشراكة واخده زيادة عن حقها، اتعلم انت المهارات اللي موجودة في غيرك، متخليش فيه مخاطرة وابدأ باقل التكاليف، لما تنجح، خلي معاك موظفين كويسين.
لازم تكون عارف متطلبات السوق كويس
الشركات العشرة للملياردير بتشتغل في اسواق صغيرة، مش في المدن الكبيرة، عشان الاسواق الصغيرة متأخرة بسنتين تلاته عن الاسواق الكبيرة، والحاجه اللي بتحقق مبيعات ومكاسب في المدن الكبيرة، صعب تعمله في الصغيرة، بس مع صبرك عليه سنتين او تلاته هتلاقيه شغال وعليه الطلب.
لازم يكون عندك حسن اختيار للموظفين
الموظفين في شركاته بيتنقلوا بين الوظايف المختلفة، كل موظف معاه اكتر من مهاره، اللي واقف على الخزنة بيجري على النت عشان يكتب على حساب الشركة في وقت الفراغ بين العملاء، كل مدير شركة مؤهل ومدرب على أنه يدير كل حاجه في الشركة، وطبعا بيكون في حافز وبيكون في زيادة في الارباح ليهم ديما.
لو المدير عاوز يشتري منتج جديد عشان يبيعه في المحلات، هو بيصرف من حساب في البنك مخصص للموضوع ده، وعشان يعيد طلب شراء وحدات جديدة عشان يبيعها، لازم الاول يبيع اللي موجود من الوحدات اللي فاتت، عشان يحط فلوسها في البنك، وده هيخليه يشتري مخزون كتير ويبيعه.
ازاي اختار الموظفين كويس
دور على الناس اللي بيتحملوا المسؤولية كاملة، واللي بينفذوا المطلوب بكفاءة ومبيدوروش عن اعذار، مش بيقبلوا تأخير طلباتهم، وبيعملوا كل اللي بيقدروا عليه من واجبات.
لما كل ده يحصل بنجاح، هتلاقي الوقت اللي محتاجه عشان تلف العالم في البحر مع اسرتك، عشان انت سايب وراك رجاله في الشركة، وان الشغل اللي بيعملوه ليهم هما في الاول، وخيره عليهم، فلازم يحافظوا عليه.
ازاي تكون ناجح في التجارة بتاعتك
الملياردير بيقول ان كل شركة من شركاته العشرة بيعبر عنها بعبارة بسيطه:
النجاح اللي عملناه ده مش معناه اننا نغير العالم، معناه اننا ننفذ المطلوب مننا بشكل كويس وبطريقه تخلي الناس تعتمد علينا، خلى عندك حرص انك تبيع حاجه، وخليك حريص ان الحاجات اللي بتبيعها تكون جودتها كويسه وقيمتها كبيرة وسعرها معقول، وخلى عندك حرص في المصاريف والتكاليف وتكون اقل من الارباح.
الملياردير المجهول
إقرأ المزيد: ازاي تكون عصامي ناجح في 10 خطوات
رأيي الشخصي
دلوقتي ممكن تقولي ان فيه نصايح ممكن تكون عكس اللي عرفناه عن التجارة، زي مثلا الشراكة ممكن تكون حاجه ضرورية في وقت معين، والموظف اللي عارف في كل حاجه وبيشتغل في اي حاجه ده ممكن في وقت الشغل يتداخل مع بعضه، والشغل في الاسواق الصغيرة في مخاطرة ان السوق يكون شبع من كتر المنافسة.
كل اللي فات صح، بس لازم في حالات مختلفة تكسر فيها العرف، ودي نصائح واحد كسرها ونجح فعلا، وهو بيعرفنا دلوقتي.
لو طلعت من النصائح دي بواحدة تفيدك في شغلك وحياتك، فهو ده المطلوب من المقال ده، وده هيكون كفاية ليك.
