نصائح مهمة من كيفين كيلي لحياتك

كيفين كيلي هو أمريكي الجنسية، كان أول واحد يعمل مجلة وبعدين عمل موقع، بيحب ديما ينشر النصايح اللي اتعلمها وعرفها في حياته، عشان يحاول يفيد غيره بيها، راجل سنه وصل 70 سنه عنده خبرة كبيرة، ونشر اكتر من 100 نصيحة ومنها مجموعة النصايح اللي هنعرضها ليكوا النهاردة، واللي من المؤكد إنها هتساهم بشكل كبير في تغيير حياتك للأفضل.

إقرأ المزيد: 10 خطوات عشان تكون شخص ناجح

نصائح ملهمة من كيفين كيلي لتحقيق التطوير الشخصي

• الوقت اللي يكون مناسب عشان تاخد قرار هو دلوقتي، وده في 99% من الحالات.
• انسى أي خطأ قديم وحاول تعمل اخطاء تانية جديدة.
• اي حاجه هتقولها ويكون فيها كلمة “لكن” اعتبر كل اللي قولته مش هيتحقق.
• مفيش حد هيحب الحاجه اللي ملكك زي ما انت هتحبها.
• متشتغلش مع حد وانت مش طموحك إنك تبقى زيه في المستقبل.
• الاحسن إن يكون ليك 10 اصحاب بيحبوك بصدق، أفضل من 10 مليون متابع على مواقع التواصل.
• لما تسامح الناس، هما ممكن يكونوا مش مهتمين، بس سامح عشان نفسك، انت مش بتسامح عشان غيرك.
• إنك تكون لطيف وعندك اخلاق كويسة ده مش بفلوس، خلي اللي ركب الاسنسير يطلعوا قبل انت ما تدخله، افتح الباب عشان غيرك يخش، رجع عربيات السوبر ماركت مكانها بعد ما تخلص، لما تستلف حاجه رجعها احسن من الاول وهكذا..
• لما اتنين يختلفوا مع بعض، في الاغلب بيكون فيه طرف تالت دور عليه.
• شغلك بجد مهم بس ميكونش مبالغ فيه، لازم يكون فيه ترويح عن النفس والعقل وده مش واخد حقه، مهم جدا تاخد أجازات من الشغل ووقت بعيد عن الشغل ويكون فيه تجديد، وده مهم عشان يطلع منك أفضل حاجه، وعشان يكون فيه أخلاقيات عمل كويسه لازم يكون فيه راحة كويسة.

استراتيجيات كيفين كيلي لتطوير الذات وتحقيق النجاح

• عشان تكون قائد صح، لازم تصنع قادة، متخلقش تابعين ليك وخلاص.
• ولو عايز تنتقد حد لازم يكون بينك وبينه مش قدام الناس، ولما تكون عايز تكافئ حد يكون قدام الناس.
• الحياة بتكشف نفسها في الوقت الصح وترتيبها الصح، لما تتعلم الدرس اللي موجود جواك، وهتنتقل بعد كدا لدروس تانيه هتتعلمها في وقتها، طول ما انت عايش هتفضل تتعلم دروس جديدة.
• وظيفة المدرس هي إنه يطلع كل حاجه من الطالب، ووظيفة الطالب هي اخراج كل حاجه من المدرس.
• لما يكون الفوز في لعبة مهم وسهل، لازم تغير قواعد اللعبة عشان يكون في دماء جديدة، لما تغير القواعد ممكن تكون اللعبه جديدة.
• لما تطلب الفلوس من المستثمر بيديك النصيحة، بس لو طلبت منه النصيحة يديك الفلوس.
• تعظيم الانتاج بيكون شئ بيلهيك، انت بتصنعه لنفسك، متخليش هدفك الكبير هو إنك تدور على طرق اسهل واسرع عشان تخلص بسرعه، الاحسن إن يكون هدفك إنك تشتغل عشان تحقق حاجات احسن ومش عايز تقف الا لما تتحقق فعلا.
• لو عليك فلوس للموظفين والبياعين والمقاولين، لازم تخلصها بسرعه، وده هيخليهم يشتغلوا معاك في المره التانيه.
• اكتر حاجه بنكدب فيها على نفسنا هي لما نقول، مش محتاج اكتبها انا هفتكرها.
• اتكلم بثقة زي ما يكون معاك الحق، بس لازم تسمع كويس زي ما يكون انت اللي غلط.

استثمر وقتك واصنع نجاحك

• استمر في التدريب والتعلم، واصحابك القليلين الكويسين افضل من العدد اللي ملوش لازمه، ممكن الحاجه الصغيرة اللي بنتعلمها كل يوم تكون هي افضل واهم من اي حاجه تانيه.
• لو فيه وحده ست حامل، متسألهاش هي حامل ولا لأ، حاول تخليها هي اللي تقول لوحدها.
• لازم يكون عندك 3 حاجات، متسيبش حاجه غير لما تنجح، سيب الحاجه اللي مستحيل تنجح، لازم يكون في ثقه في الناس عشان يساعدوك ازاي تفرق بين الحاجتين.
• لما تتكلم مع جمهور، متكررش الكلام، ولازم توقف كلام شوية قبل ما تقول حاجه كويسه ومهمة، لازم تُقف عشان الناس تفهم كلامك كويس.
• لما تتكلم قدام الناس، ركز مع عدد قليل من الناس، عشان عينيك بتقول للناس إذا كنت مؤمن بكلامك ولا لأ.
• مفيش حاجه اسمها إنك تيجي ” في الوقت المناسب” لازم متأخر أو بدري ده اختيارك.
• شوف اي حد انت معجب بيه وأسأله هتشوف إن الحاجات اللي مش متوقعه هي اللي غيرت حياتهم وكانت السبب في نجاحاتهم، عشان كدا لازم تمشي في المنعطفات، الحياة مش خط مستقيم.
• عشان تعرف اي حاجه صح على النت، انشر الحاجه الغلط ويكون واضح للناس، واستنى اي حد هتلاقي جيوش على النت عشان يصححوا الغلط ده.
• هتلاقي نتيجة احسن 100 مره، لما تشيد بالسلوك الكويس بدل ما تسب السلوك الغلط، وده بيكون اكتر مع الاطفال.
• خد وقتك في العنوان وخليه افضل حاجه لما تبعت رساله بريد، عشان في الاغلب العنوان هو اللي بيشد للموضوع اللي الناس هتقراه.

ابدأ تغيير عاداتك وتحقيق نتائج إيجابية

• متستناش العاصفة لما تخلص، انزل وارقص تحت المطر.
• معنى إنك ترقص تحت المطر، يعني خليك سعيد حتى لو فيه مصيبه أو مشاكل، خليك متفائل وبص لنص الكبايه المليان، فكر في اي حاجه ايجابية لما تدخل مصنع الطاقة السلبية.
• نص اي مهارة التعلم، هي إنك تتعلم اللي ممكن تستغنى عنه ومتتعلموش.
• الميزة في إنك يكون ليك هدف وطموح كبير صعب تحققه، حتى لو فشل تحقيقه هتكون نجحت بالمعايير العادية.
• عشان تفهم نفسك، فكر بجد في اي حاجه تكون مشكله ومزعجه للناس.
• خلي كل حاجتك قدام عينيك لو في فندق، من غير ما تكون في درج أو خزنه، بالطريقة دي مش هتنسى اي حاجه، لو عايز تستخدم الشاحن، خلى حاجات تانيه كبيرة جنبه، اكيد مش هتنسى كل حاجه مره واحده.
• لما تنكر اي مجامله ليك أو تقلل منها، الناس ممكن تشوفها حاجه مش كويسه، حتى لو انت شايف إنها متستحقش.
• اي حاجه بتعملها في أيامك المش كويسه، بتكون اهم من الحاجه اللي بتعملها في ايامك اللي بتكون مبسوط فيها.
• لما تفتح علبة دهان، هتلاقي العلبة ممكن توسخ هدومك حتى لو انت بتفتحها براحه، البس اللي يناسب الموضوع ده.
• مش هتقدر تقنع الشخص اللي بيشتكي إنه يشتغل عشان الفلوس بس.

مفاتيح النجاح والتطوير

• الناس هتحكم عليك لما تشوف معاملتك مع اللي ميقدروش يقدموا حاجه مفيدة ليك.
• بنبالغ في اي حاجه ممكن نعملها في اليوم، وبنقلل في اي حاجه ممكن نحققها في سنين كبير، ممكن تحقق اي حلم لو اديته 10 سنين، الوقت الكبير هيخلي المكاسب الصغيرة كتيره، وده هيخلي مفيش اخطاء كبيرة.
• اشتري الكتب المستعمله، اللي هتلاقيه في الجديد هتلاقيه في القديم.
• ممكن تكون اي حاجه انت عايزها، خليك انت الشخص اللي بيخلص اجتماعات الشغل بدري.
• في حكيم قال: قبل ما تتكلم خلي كلامك يعدي على 3 أبواب، اسأل نفسك.. ده صح ولا غلط؟ والتاني، ضروري ولا لأ؟ والتالت، ليه فوايد ولا لأ؟
• اطلع على السلم، عشان صحتك في المستقبل تكون كويسه.
• لما توصل لغرفة فندق، اعرف بنفسك فين ابواب الطوارئ.
• ممكن واحد مش ذكي، يكون يعرف يتواصل مع الناس بشكل كويس، ويكون شغله احسن من اي حد ذكي بس مش عارف يتواصل مع الناس كويس، إنك تحسّن مهارات الاتصال اسهل من رفع معدل ذكاء شخص.
• لو اتعرضت للنصب والغش اكتر من مره ده بسبب الثقه الكبيرة مع الناس، لما تثق في الناس بيعاملوك بشكل احسن.
• عشان يكون في نتيجه احسن مع اولادك، اصرف نص اللي بتصرفه عليهم، بس زود الوقت اللي تكون فيه معهم.

تطوير نمط حياتك بحكمة

• اشترى اجدد دليل سياحي لبلدك، هتتعلم كتير لما تعمل دور السائح ولو مره في السنه.
• متقفش في طابور عشان تاكل في مكان معروف، ميستحقش كل الانتظار ده.
• خليك محترف، خلي عندك نسخ احتياطي للاحتياطي اللي عندك، ممكن يكون نسخة احتياطي عندك ونسخة على النت، ممكن تدفع كتير لو ضاعت اي صور او بيانات ليك مهمه لو مش عامل حسابك.
• عشان تعمل اشارة الطوارئ، في 3 قواعد: 3 مرات تنادي أو 3 مرات تصفر أو 3 مرات تدوس على سرينة العربية.
• الفرص الكبيرة الواقعية، مفيش في ملامحها كلمات زي إنها فرصة عظيمة.
• لو لقيت نفسك بتسأل: فين مفاتيحي؟ أو فين قلمي؟ ده معناه إن في حياتك حاجات كتير غلط لازم تخلص منها.
• لما تقف في وشك، اشرح مشكلتك لحد غيرك، ممكن لما تشرحها بسهولة تلاقي ليها حل.
• لما تشتري خرطوم أو سلك كهرباء أو سلم، اختار الحاجه الطويله حتى لو مش محتاجها دلوقتي.
• متهتمش إنك تعض الكلب اللي عضك، أو إنك تحارب في اللي فات، ركز في الجديد وبس.
• ممكن تعتمد على اي حاجه انت متعود عليها وتكون احسن من الخيال، خلي ليك عادات تخليك تتقدم لقدام، خليك زي اللي مش بيقفوا يوم واحد عن التدريب والتمرين.

حوّل حياتك تجاه الأفضل

1. لما تيجي تتفاوض على حاجه، خلى هدفك وطموحك اكبر من المتاح.
2. لو كررت اللي بتعمله في يومك 365 مرة، ده هيخليك توصل للمكان اللي انت عايزه السنه الجايه؟
3. وقتك محدود، عشان كدا لازم تتخلص من الحاجات اللي مبتفرحكش في حياتك، عشان يكون في وقت ومكان للحاجات اللي بتفرحك.
4. عشان تكسب كتير، خلي عندك اهتمام بالحاجات اللي مبتهتمش بيها في الاصل.
5. خلي تركيزك على الاتجاهات اكتر من الوجهات، مين عارف المستقبل؟ خليك مركز في طريقك الصح وهتوصل للمكان اللي انت عايزه.
6. لو سلفت حد 20 دولار ومشفتوش بعديها، عشان هو مش عايز يدفعلك فلوسك وهو معاه، ده يستحق الـ 20 دولار، لإنك عرفت الشخص ده على حقيقته وإنه نصاب لما سلفته الفلوس.
7. واجه مشاكلك واي مفاجأه تحصلك، واوعى تتجنبها.
8. عشان ميبنشي عليك إنك كبرت في السن، خليك مندهش ومتفاجئ على طول.

مهم: أسباب فشل مشاريع الكافيهات

في النهاية

وبعد ما اتكلمنا عن نصائح كيفين كيلي للحياة. طلعنا بفكر إن الدنيا مش بتعدي علينا، لكن إحنا اللي بنعدي عليها. كيفين كان بيقول دايمًا إنه مهم نعيش اللحظة ونستفيد منها، وفي نفس الوقت نخطط لمستقبلنا. بالنسبة للفشل، هو مش نهاية العالم. ممكن نستفيد منه أكتر من النجاح نفسه. وإزاي؟ لأنه بيخلينا نتعلم وننمو ونتقدم. فلازم نخليه رافع لينا معنوياتنا ومش مصدر للإحباط.

والأهم من كل دا، إننا لازم نبقى إيجابيين. مهما كانت الظروف صعبة، لازم نشوف الجانب المشرق ونحاول نستفيد منه. والتفاؤل دا هو اللي هيوصلنا للنجاح.