مارك وانجل في سن الـ 30 ، قرر ينشر 30 درس وحقيقة، اتعلمهم طول السنين اللي فاتت من حياته، واللي هنشاركها معاكوا النهارده، عشان تقدروا تستفيدوا منها في الحياة العملية، وده لإن أغلب النصايح دي محتاج تطبقها في حياتك لإنها ممكن تكون سبب من أسباب نجاحك قدام زي ما كانت سبب في نجاح شخصية مشهورة زي مارك، وأكيد هتكون هي سبب برضو في نجاحك لو عملت بيها.
الحياة قصيرة جدًا عشان نتعلم كل حاجة من تجاربنا، عشان كده خلينا نسمع للنصائح والخبرات من الناس التانية.
مهم: نصائح مؤسس موقع علي بابا في الحياة والتجارة
نصايح مارك وانجل اللي اتعلمها في حياته
- هيجي وقت في حياتك، هتحس إنك تعبان من إنك تغير الناس وتحاول تعدل الغلط، وده مش يعتبر يأس، بس ده السن اللي هتعرف فيه إنك مش محتاج ناس معينه ولا مشاكلهم اللي بيعملوها.
- لو حد عايز يكون جنبك في حياتك، هيتعب عشان يوصلك، عشان كدا متشغلشي دماغك ولا تعمل اعتبار لحد مش بيتعب عشان يوصلك ويكون جنبك.
- لو عايز تطير، لازم تسيب وراك اي حاجه تقيله، دي مقولة سهله بس التنفيذ صعب.
- لو عملت حاجه وفضلت فيها، أفضل 100 مره من إنك مبتعملش حاجه.
- اي نجاح في الدنيا هتلاقي فشل كتير قبله، وكل فشل بيخليك توصل لنجاح قدام، انت مش بتفشل لما بتقع على الارض، فشلك بيكون لما تقرر متقومش بعد وقوعك، في وقت كتير لازم تنسي اي حاجه بتحس بيها، وتفتكر اللي محتاجه، وتفضل ماشي لقدام.
نصائح مارك وانجل لتحسين جودة حياتك اليومية
- لما يكون معاك فرصة إنك تتعرف على ناس من جنسيات وثقافات ودول تانيه، وبيكونوا عايشين في ظروف مختلفه، هتلاقي كل واحد فيهم هدفه واحد، وهي الحب والسعاده والتقدير وإنه يحقق اهدافه ويكون في أمل ومستقبل احسن، بس الاختلاف بيكون في ازاي هتحقق الاهداف دي، بس دوافعهم واحده، لو دورت كويس هتلاقي حاجات مشتركة بينك وبين اي بني ادم في العالم.
- لو بتملك حاجات كتير، الحاجات دي هتملكك انت وتسيطر عليك، ولو قللت املاكك، حريتك هتزيد وتكون سعيد.
- وانت مشغول وبتدور على اي حد كويس، هتخسر الشخص اللي مش مناسب، واللي ممكن يقدر يخليك سعيد، عشان تدور على صاحب مش لازم تتغير وتكون شخص مثالي، لازم تكون زي مانت من غير تغيير، ووقتها هتلاقي الشخص اللي يكون مستعد لصداقتك زي مانت.
- العلاقات لازم تختارها بعقل وحكمة، الاحسن إنك تعيش لوحدك ومتعرفش ولا تمشي مع الشخص الغلط، لازم متتسرعش، ده قدر وهتشوفه، وهيجي لوحده في الوقت المحدد، مع الشخص الصح.
- مش صعب يكون ليك 1000 صديق وصاحب، المعجزة في إن يكون ليك صاحب واحد يقف جنبك لما يكون في 1000 وحد ضدك.
- هتلاقي دايمًا شخص وسيم وست جميله، وذكاء اكتر، بس مفيش حد هيقدر يكون انت، بفكرك ومهاراتك.
نصائح لتطوير عادات صحية ونمط حياة متوازن
- معنى إنك تمشي لقدام إنك بتخاطر وتجاذف، مش هتتحرك خطوة طول ما رجلك ثابته في الارض.
- كل يوم الصبح ليك قرارين: إنك تسيب كل حاجه على البركه وزي ما تيجي ويكون فيه حد بيديرها غيرك من غير خبره ولا معرفه هتروح فين، أو تقرر إنك تتحكم في كل حاجه وتحدد مصيرك وتحسب لكل خطوة بمعرفة وتخطيط.
- كل الناس بتغلط، لو مسامحتش الناس، مش هيسامحوك لما تغلط، لما تسامح حد ده معناه إنك بتديه الحرية وبتدي لنفسك نفس الحرية.
- مفيش مشكله إنك تقع على الارض مده معينه، مش لازم تبين إنك قوي كل الوقت، ومش لازم تثبت إن الدنيا تمام على طول، ومتشغلش بالك الناس بنفكر في ايه، عيط لو محتاج، نزول الدموع مفيد جدًا، لو خلصت كل ده بسرعه، هترجعلك ابتسامتك.
- كتير وقعنا في اخطاء كتيره بسبب إننا حسينا باليأس والحزن، ممكن توفر حزن كتير لما تعرف تتحكم في مشاعرك وتمسك نفسك لما تزعل.
- مش لازم يكون في حد غلطان عشان تكون انت الصح، الصح بيعدي على طرق كتير، مينفعش تحكم على حد وتفتكر إنهم زيك ولازم يكونوا زيك، هما عايشين حياة مختلفة وثقافه ومعرفة مختلفة، ولو الحاجه دي بتناسبك ممكن متناسبش غيرك، ممكن حاجه تغير حياة شخص للأسوأ ونفس الحاجه دي تخلي شخص تاني سعيد، لازم تسيب الناس تغلط ومتحاسبش حد وتخلي الناس تاخد قرارتها بحرية.
نصائح لتطوير مهارات التواصل الفعّال وبناء علاقات إيجابية
- مفيش حد كامل، ومفيش حد يستحق إنه يكون كامل، الحياة مش سهله مع حد، انت مش عارف غيرك بيواجه ايه وبيقابل مشاكل وتحديات ازاي، كل شخص ليه حياته اللي مشغول فيها، متقللش من نفسك أو غيرك، كل واحد بيحارب بطريقته.
- لو حد مبتسم ده مش معناه إنه سعيد، ممكن في وقت معين، يبقي ده معناه إنه انسان قوي وبيواجه مشاكله.
- اكتر الناس اللي اعرفها ليهم عقل متفتح وبيقبلوا اي فكر جديد، وبيشغلوا وقت الفراغ عشان يطوروا عقلهم، وبيحبوا الموسيقى الكويسه والكتب المفيدة واللوحات والفنون الراقية والصحاب المحترمه والكلام المفيد، والاغلب بيكونوا سبب إنهم يخلوا غيرهم سعداء.
- متاخدش كل حاجه على صدرك وبشكل شخصي، مفيش حد هيعمل حاجه بسببك، بيعملوها لاسباب خاصة بيهم.
- المشاعر والناس والوقت بيتغيروا، ممكن تفضل عايش في اخطاء الماضي، وممكن تصنع سعادتك بنفسك، الابتسامه قرار مش صعب، السعاده الصح بتبدأ من جواك.
- صعب في مكان تغير في حياتك، بس ممكن تكون اكتر عمق.
- في النهايه هتندم على حاجات معملتهاش، اكتر من ندمك على حاجات عملتها.
نصائح مارك وانجل لتحقيق التطوير المستدام والنمو الشخصي
- لما تقف عن إنك تجري ورا الحاجات الغلط في حياتك، في الوقت ده هتدي فرصة للحاجات الصح إنها تلحق بيك.
- اكبر تحدي ممكن يواجهك في الدنيا دي، هي إنك يبقى ليك وضعك ومحدش يغيرك عشان تكون زيهم.
- متع نفسك بالحاجات الصغيرة، عشان ممكن يجي يوم وتكون بالنسبه ليك حاجات كبيرة.
- ممكن اي انسان يسيب أثر، إنك تخلي حد يبتسم ممكن يغير العالم، ممكن مش كل العالم بس على الاقل حياته هو.
- كل حاجه في الدنيا دي عبارة عن درس تتعلم منه، اي حاجه بتقابلها هي مجموعة من الدروس، متنساش تتعلم الدرس، في الوقت اللي الدنيا بتمشي في طريق انت مش عايزه، لو معرفتش تاخد الوظيفه اللي انت عايزها أو حياتك الاسريه فشلت، ده معناه إن ليك حاجه كوبسه في المستقبل مستنياك، الدرس المهم هو الخطوة الاولى عشان تقرب من الاحسن اللي مستنيك.
- ممكن ماضيك يكون مش كويس، بس مستقبلك هيكون أفضل، متبدأش يومك بحاجات مكسورة امبارح، كل يوم ده بيبقى بدايه جديده، كل نهار هو بداية يوم من ايامنا اللي بنعيشها.
كل يوم تشرق فيه الشمس ينادى علينا، أنا يوم جديد على عملك شهيد فاغتنمني، فإني لا ولن أعود إلى يوم القيامة، استفيد بكل لحظة في حياتك وعيش كل لحظة كأنها اخر لحظة في حياتك.
ابراهيم الفقي
مهم: أهم 11 درس لما تبدأ شغلك الخاص
في النهاية
متنساش إن النجاح مش بييجي بسهولة. لازم تشتغل بجد وتتعلم من الصعب. استمر في تطوير نفسك واطمح لأهدافك بإصرار. ومتنساش تستمتع بكل لحظة في رحلتك، لإن النجاح مسار طويل مش هدف نهائي. اعرف إنك قدها وقادر توصل لأي حاجة بإرادة قوية.
