في التدوينة دي هنتعرف على قصة الاسترالي جاري بروير صاحب موقع Builtwith ، القصة بدأت سنة 2007 ،
جاري بروير كان عاوز يتعلم ويعرف اكتر عن برمجة مواقع الانترنت وازاي يقدر انه يعلم نفسه ويعرف كود html وتصميمه، واول حاجة كان عاوز يعرفها هي لغة برمجة كل موقع، وايه افضل نظام تشغيل Windows او Linux وهكذا..
Benjamin Franklin
بداية قصة الموقع
في الفترة دي كان فيه شغف وحب لتصميم تطبيقات ومواقع الانترنت، واللي شجعه انه كان بيتعرف على Entrepreneur في سيدني ، وكان عاوز يصمم موقع يفيد الناس ويكون بداية لشركته.
بس كان جاري بروير بيفتكر ان المعلومات اللي بيدور عليها هتكون مهمة ليه هو بس او عدد قليل اللي بيفكروا زيه، بس في الواقع كان فيه اقبال كبير على الموقع، علشان هو كان بيقدم احصائيات عن المواقع التانية وده ساعده كتير انه يوصل لناس كتير بالذات اللي مهتمين بالتسويق والمبيعات والاحصائيات.
إقرأ المزيد: دليل لعمل دراسة جدوي كاملة لمشروعك
فكرة جديدة في وقتها
كان موقع جاري في الوقت ده حاجة جديدة زي مثلا في الوقت ده كان google analytics لسه بادئ في مرحلة التجربة، وكان الفكرة نادرة، وبعد سنتين من عمل الموقع بدأت الشركات ورجال اعمال عاوزين احصائيات ومعلومات عن مواقع انترنت زي مثلا عدد المواقع في استراليا اللي بتتكلم عن التجارة الالكترونية، كام موقع بيستخدم تطبيق magento ، او اكتر المواقع فيها زوار وهكذا..
بداية وضع الاسعار
في الوقت ده بدأ جاري انه يزود معلومات واحصائيات الموقع، وانه يقدم الخدمة للعملاء مقابل فلوس، عمل 3 أنظمة للدفع،
- بمقابل 299$ في الشهر.
- الثاني 495$ في الشهر.
- مخصص للشركات والمؤسسات الكبيرة اللي شغلها كتير مقابل 995$ في الشهر.
40% من الاشتراكات كانت للمستوى الاول والتاني نفس النسبة والـ %20 للمستوى الاخير، اللي اشتركوا كانوا حوالي 2500 عميل للاشتراك الشهري، كان الامريكان اكتر عملاء ليه بتدور على احصائيات زي دي، وبالنسبة اللي كانوا بيستخدموا الموقع مجاني وصل عددهم نصف مليون فرد في الشهر!
فريق عمل الموقع
اكيد الكل عاوز يعرف عدد اللي بيشتغلوا في موقع زي دي، جاري هو مدير الموقع والمبرمج واللي صمم ونفذ كل حاجة في الموقع من البداية.
يعني صممه انه يشتغل لوحدة من غير مساعدة، كمان معاه شخص يعتبر زي مُنتج بدأ سنة 2010 وملوش دور اكتر من كدا، ومعاه كمان كاتب انجليزي محايد بيكتب كل اسبوع تدوينات علشان ينشرها في الموقع وبس كدا، مفيش موظفين مبيعات علشان هو اصلا بيقدم الخدمة مجانية وده اللي وصله للعملاء الكبار اللي ممكن يدفعوا فلوس، والدعم الفني بردو مش محتاج لحد في المجال ده.
الفشل اول خطوات النجاح
في البداية عمل جاري مواقع كتير مجانية بس فشلت، بس في 2007 لما عمل الموقع ده وبدا في اول نسخة تجريبية شاف انها ممكن تنجح، بعت لمواقع اخبار مشهورة علشان يتكلموا عن الموقع ويبقى متشاف اكتر وده زود الزوار كتير، مش بس الموقع نجح، عمل كمان نظام برمجة علشان يعمل ترابط بين التطبيقات التانية، وده ساعده انه يزود الزوار للموقع.
مهم: افضل طريقة تعرف بيها مشروعك التاني
بيعتمد جاري على مزرعة خوادم من Amazon، وموقعة ممكن يمسح مواقع تانية خلال يوم، بس هو شغال على ده كل اسبوع بس، بيجيب المعلومات ويعالجها في استراليا، بعد كدا بيخزن النتائج على خوادم دروب بوكس، وبيسيب نسخة احتياطي على خادم في منزله.
فوائد قصة جاري بروير:
بقولها كتير اعمل شغلك اللي بتحبه متفكرش في النجاح هو هيجي لوحده، لما الناس بتفكر ازاي تعمل مشروع ويبدأوا منين، بيركزوا على البيع للناس، ده مفيهوش مشكله، بس افتكر ان في شريحة كبير من الناس بيدوروا على خدمات علشان تساعدهم.
ده مثال على ازاي من موقع مجاني بيقدم خدمة مش منتج معين قدر انه يكون من اكبر المواقع في العالم بفكره بسيطة ومؤسس واحد، نادر حدوث ده بس ممكن تتكرر.
