قصة نجاح وتأسيس اكبر متجر مزادات في العالم eBay

مؤسس موقع إيباي بيير مراد أوميديار، معاه جنسية امريكية، من أصول ايرانية، ومشهور انه بيساعد الناس اللي بتساعد الفقراء على الاستثمار بفلوسه ووقته.

في التدوينة دي هقولك ازاي بيير مراد أوميديار جتله فكرة المشروع وازاي نجح وكسب مليارات الدولارات.

بيير اتولد في باريس سنة 1967، اهله من ايران، وابوه كان طبيب جراح، وفي عمر ست سنين عائلته سافرت امريكا، مكنش متفوق في الدراسة كعادة معظم العباقرة، في فترة مدرسته، كان باين حبه للكمبيوتر والالكترونيات، استمر بعد كدا في دراسته لحد ما تخرج من الجامعة، وحصل على شهادة في الكمبيوتر.

إقرأ المزيد: دليل عمل دراسة جدوي كاملة لمشروعك

عشقه للبرمجة والكمبيوتر من وهو صغير

اتعلم مجال البرمجة على جهاز أبل وطور من نفسه، بعد ما تخرج اتوظف في شركة تابعة لشركة ابل، وساعد في برمجة تطبيق الرسم المشهور في الوقت ده وهو ماك درو.

سنة 1991، أسس شركة برمجيات مع 3 أصدقاء معاه، من ضمن أهداف الشركة هي التجارة الالكترونية من على النت وحاجات تانية، بس اتحولت الشركة للتجارة الالكترونية بس وبقى اسمها اي شوب.

سنة 1994، بيير ساب الشركة، والشركة دي اشترتها مايكروسوفت بعد كدا سنة 1996.

راح بيير لشركة متخصصة في مجال الاتصالات النقالة، بس كان كل تفكيره في التجارة الالكترونية علي النت.

في كل مرة نطلق فيها ميزة ، يصرخ الناس علينا.

أنجيلو سوتير

بداية eBay والرغبة في خلق حرية في التجارة

فضل بيير يفكر في ازاي يوفر تجارة حرة بين الناس من خلال استخدام النت وازاي يقدر يجمع بين البائع والمشتري، وفي سن 28 سنة، خد اجازة طويلة من شغله وبدأ في برمجة موقع إيباي اللي كان اسمه في وقت انشاءه موقع المزاد سنة 1995 واتغير بعدها لموقع إيباي.

كان في الوقت ده بيير خاطب، وكان عاوز يقعد اطول وقت مع خطيبته، ومش مع الكمبيوتر ومشاكل البرمجة، عشان كدا قرر من أول يوم لازم برنامجه يحل المشاكل المتوقعه، ويكمل ويستمر في عمله مهما يحصل.

بداية خدمة إيباي المجانية

بداية انشاءه للموقع كانت مجانية للناس كلها، بعد كدا بدأ يكون فيه رسوم رمزية عشان تكاليف الموقع، مقابل كل عملية بيع على الموقع، كان بيير بياخد عمولة صغيرة عليها، العمولة دي كانت بتتصرف على تطوير وتحسين الموقع وزيادة الخدمات اللي بيقدمها.

بعد النجاح الكاسح للموقع، وصل لزيادة في المبيعات لـ 30% في الشهر واكتر، لحد 3 سنين ورا بعض، وزاد عدد الزوار والمسجلين على الموقع، وزاد عدد المنتجات المعروضة على الموقع، عشان كدا استقال من شغله الاصلي وبدأ يركز في تطوير الموقع.

شهرته زادت وبقى معروف لناس كتير بسبب الموقع، وطبعا كان الموقع يتميز بالامانة بسبب أمانة بيير وخبرته في التعامل.

ازاي تم اختيار اسم eBay

الاسم جه من اسم شركته اللي أسسها سنة 1997، كان اسمها ايكو باي، بس اختصر اسم الموقع لـ إيباي بسبب ان اسم الشركة كان موجود علي النت.

بدأ يعمل دعاية لخدماته بكل قوة، ووصل عدد المزادات لـ 800 الف مزاد، وسنة 1998 طرح موقعه للبورصة، ووصل عدد المشتركين في موقعه لمليون مشترك، ووصلت قيمة بيير في اسهم موقعه حوالي 3 مليار دولار.

وفي بدايته كان بيعمل كل حاجة بنفسه، بعد كدا بدأ يوظف موظفين عندهم خبرة في المجال، وعين سنة 1998 مدير تنفيذ وبدأ يهتم بحاجات تانيه، وهي دي الادارة الناجخة.

المشاكل اللي واجهة بيير في مشروعه

مراحل تنفيذ المشروع كانت فيها مشاكل كتير زي اي عمل في الدنيا، سنة 1999 الموقع وقف عن العمل 22 ساعة متواصلة، ودي كانت مشكلة كبيرة وقتها بس قدر يتعامل معاها، واتصلت الشركة على اكتر من 10 الاف عميل من كبار العملاء عشان تعتذر وتشرح سبب انقطاع الخدمة.

وبعدها بفترة مش كبيرة، الموقع وقف تاني لمدة 8 ساعات، ومرت بسلام.

وسنة 2003، حقق موقع إيباي ايرادات 2 مليار دولار تقريبا، وكان فيه 95 مليون مشترك، بيعرضوا منتجات ممكن توصل لاكتر من 45 الف نوع مختلف، وبدأت الشركة تعمل صفقات جديدة زي شراء سكايب وPayPal، وده بسبب دخول الصين والهند واسواق جديدة.

مهم: 11 درس من الحياة والتجارة

الاصرار على حل اي مشكلة

بيير بيقول ان اهم حاجة بيهتم بيها هي حل المشاكل وبطرق مختلفة وغير متوقعة، ومساعدة الناس، وبيقول ان سر النجاح اللي وصل ليه، هو الاهتمام بالمجتمع والناس اللي كانوا السبب ف اللي وصل ليه موقعه، والناس اللي ساعدوه من غير ما يطلب منهم.

وكان الناس والمجتمع بيقفوا على اي معاملات غير اخلاقية ومشبوهه، وعشان كدا المجتمع بيحمي نفسه.

وبيتكلم بيير عن المديرة التنفيذية اللي اختارها تكون موجودة في الموقع، انها خبيرة في ادارة الشركات الكبيرة، وقامت بشغلها في الموقع باحترافية وتميز.

لو انت صاحب بيزنس، ووصلته للنجاح والقمة، ده مش معناه انك لازم وقادر تقوده لحد ما تموت، هتوصل لنقطة يكون فيها المتخصص واللي عندة خبرات اكتر يكون موجود ويساعدك.