حلم اي حد فينا انه يكون صاحب بيزنس عنده مشروع مربح بيكسب منه ويكون حر نفسه ، ده حلم ناس كتير بس لو جربت تنزل لأرض الواقع هتلاقي ان نص المشاريع الصغيرة بتخسر وبتقفل في اول خمس سنين ليها !
وهنا يجي التحدي الحقيقي ليك هتقدر تحل المشاكل اللي هتقابلك وتشق طريقك لنجاح مشروعك ولا لأ؟ ، لو قبلت التحدي ضروري تعرف خطوات عمل مشروع مربح عشان تقدر تتجنب المشاكل.
إقرأ المزيد: التسويق بالأسرار – أرجوك متقولش لحد
1. تقييم فكرة المشروع
فكرة مشروعك ممكن تجيلك فجأة في دماغك وتقول انا هقدر اعمل المشروع ده وهينجح وتكتشف انه فشل! بس ليه؟
عشان انت عملت المشروع بشكل عشوائي ونفذته علي طول لمجرد فكرة جت في دماغك، فأهم حاجة لما تجيلك فكرة مشروع إهدا وقيمها كويس وجمع كل التفاصيل مهما كانت صغيرة عشان هتفرق في مشروعك.
2. وضع بيزنس بلان
عشان تنجح فكرة مشروعك لازم تخطط كويس ليه وتكون عارف كل صغيرة وكبيرة في المشروع وكمان تشوف المنتج او الخدمة لي بيقدمها مشروعك هل السوق محتاجه ولا لاء . تعالي اقولك علي العناصر الرئيسية لعمل خطه عمل :
- تحليل السوق : زي ما قولتلك قبل كده لازم تتأكد قبل ما تبدأ مشروعك ان المنتج او الخدمة اللي هتقدمها، السوق في محتاجها فعلا.
- معرفة المنافسين : طبعا وانت نازل بمشروعك السوق لازم تكون عارف كام واحد بيقدم نفس المنتج او الخدمة بتاعتك وقوي في ايه؟ وضعيف في ايه؟ عشان تقدر تتفوق عليه وتنافس بشكل كويس ومشروعك ينجح.
- معرفة المستهلكين : لازم تكون عارف انت مستهدف مين؟ يعني مثلا لو مشروعك بيخدم السيدات فطبعا انت بتحدد الفئة العمرية اللي هتتعامل معاها والوضع المالي ليهم وكمان بتحاول يكون عندك فكرة عن اهتماماتهم وهكذ …
أنا لم أفشل ، لقد عثرت على 10,000 طريقة لا تنجح.
Ray Kroc
3. مصادر التمويل
عشان تبدأ مشروعك لازم تكون عارف ازاي توفر فلوس ليه بشكل يخليك تبدأ بشكل كويس وقوي في السوق وطبعا انت بتفضل تصرف وتغطي تكاليف المشروع قبل متحقق اي ارباح منه،
وهنا تيجي مشكلة اي مشروع في البداية لو مكنتش حاسبها صح وعارف تكاليف تأسيس المشروع والمصاريف التشغيلية هتكون كام علي الاقل لمدة سنة قدام ، انت كده هتفشل وهتقفل مشروع بدري بدري!
في المفروض حضرتك بتعمل كشف
- بمصاريف التأسيس يعني هتصرف كام عشان تستخرج تراخيص النشاط – سجل تجاري – بطاقة ضربية – معدات وغيرها، وطبعا بتعمل.
- بتكاليف التشغيل زي ايجار المقر – مرتبات الموظفين -دعاية واعلان وغيرها، وبكدا بتكون عرفت انت هتحتاج قد ايه وتبدأ تشوف المصارد التمويلية لمشروعك ممكن مالك الخاص – تشوف واحد صاحبك تشاركه.
4. اعمل هيكل تنظيمي لمشروعك
وهنا دور الهيكل التنظيمي لمشروعك مهم جدا عشان بيتوقف عليه شوية حاجات منها الاسم التجاري والمسألة القانونية والبطاقة الضربية لان الهيكل بيتغير حسب نوعية مشروعك ،
يعني لو مشروعك عبارة عن شركة فردية هيكون غير لو شركتك فيها شراكة او ذو مسئولية محدودة في كل واحد من دول ليه هيكل تنظيمي مختلف عن التاني . وطبعا كل ما مشروعك كبر كل ما شكل الهيكل التنظيمي هيتغير ولو مش هتعرف تعمله ممكن تراجع استشاري زي محامي -محايب قانوني عشان تعمله صح بشكل مبدائي.
5. اختيار اسم لمشروعك
اسم مشروعك مهم جدا وانت نازل السوق ولازم تفكر كويس قبل ما تختار الاسم، لان الاسم ده هيتحول الي علامة تجارية ليك ولازم تسجله وتتاكد ان الاسم ده مش مرتبط باي علامة تجارية تانية، يعني مفيش حد تاني شغال بيه.
وده طبعا بنشوفه كتير في السوق بتلقي محل مثلا واخدين نفس الاسم بس الملكية للاتنين مختلفة، فحاول متقعش في الحته دي، وكمان اول ماتسجل الاسم بتاع مشروعك روح اعمل موقع الالكتروني او صفحة علي الفيس بوك باسمه، لان ده طبعا هيساعدك انك تسوق لمشروعك من بشكل اقوي واسرع للمستهلكين.
6. استخراج التراخيص والتصاريح لمشروعك
طبعا مرحلة استخراج الاوراق والترخيص مهمة لمزاولة نشاطك ومهمة جدا، لان لو في حاجة نسيتها او كسلت تستخرجها هتوقع نفسك في مشاكل ومسألة قانونية وممكن تعطل مشروعك.
وطبعا كل مشروع ليه اوراقه والتراخيص الخاصة بيه، يعني تراخيص المشروع التجاري غير الصناعي غير الخدمي وانصح بأستشارة مكتب محاماة في التراخيص والتصاريح الخاصة بمزاولة النشاط.
7. بناء نظام محاسبي لمشروعك
النظام المحاسبي لمشروعك مهم جدا ليك، لان لو في حاجة غلط في النظام المحاسبي ممكن يبوظ مشروعك ويفشل فلو انت اللي هتمسك حسابات مشروعك لازم يكون عندك خلفية محاسبية وفاهم كويس في المحاسبة المالية، وده طبعا هيقلل تكاليف تعيين محاسب.
طيب مبتعرفش في الحسابات! يبقي لازم تعيين واحد مختص في الحسابات “محاسب” وكمان بجانب وجود واحد مختص يفضل لو اشتغل ببرنامج محاسبي جاهز تعرف منه كل مصروفاتك وايراداتك وده طبعا هيعرفك اذا كان مشروعك ماشي بشكل كويس ولا في مشاكل.
8. اختيار مقر لمشروعك
مقر المشروع من الحاجات المهمة في نجاحه، فلازم تكون مهتم جدا باختيار مقر شركتك وتكون واخد في الاعتبار المكان المناسب ، يعني مثلا لو هتفتح مصنع لازم تدور في منطقة صناعية علي مقر لمصنعك مش تروح تفتح في منطقة سكانية عشان ده هيسببلك مشاكل كتير.
فكل مشروع ليه متطلبات مختلفة عن غيره يعني متطلبات نشاط تجاري غير صناعي غير خدمي وكل ما كان مقر مشروعك قريب من الحاجات من كل حاجة كل ما زاد فرص نجاحه يعني علي سبيل المثال يكون قريب من :
- الموردين أو الموزعين ده.
- الفئة المستهدفة من المستهلكين.
- مشاريع تانية هيستفاد منمه يعني مثلا لو انت عندك مطعم وقريب من كافية ده هيسهل عليك انك تبيع كويس.
9. تعيين الموظفين
طبعا بعد ماتكون عملت كل الخطوات اللي فاتت دي يجي الدور علي تعيين موظفين لمشروعك ولازم تكون عارف ايه الاحتياجات والمهام الوظيفية المطلوبة لمشروعك، وطبعا الخطوة دي حسب حجم مشروعك واحتياجك للدعم.
مهم: 11 درس من الحياة والتجارة
10. تسويق مشروعك
بتشوف هتعرف الناس “المستهلكين” بالمنتج او الخدمة بتاعتك ازاي؟ ولازم يكون العرض مغري وجذاب ومثير لاهتمام المستهليكن؟ وده عشان يحفزهم انهم يشتروا او يتعاملوا معاك.
وخد في اعتبارك لو سوقت لمشروعك بشكل كويس وعملت دعاية واعلان هيساعدك توصل للمستهلكين بشكل سريع جدا، ومفيش طريقة تسويق معاينة لكل المشاريع، كل مشروع ليه طريقة مختلفة لتسويقة دور علي الاسلوب الانسب لمشروعك.
