محتاجين نتعلم من الناس و الـ startups اللي خسرت وقررت تقفل …. شركات كسرت الدنيا بأفكارهم و ابتكاراتهم ، جمّعوا استثمارات بملايين ، مجهود و تعب و فرح و نجاحات و لكن للأسف مقدروش يكملوا… لو عاوزين نوصل لمستوي الشركات العالمية ،يبقي لازم نعرف أسباب الفشل.. عشان نتعلم
في التدوينة دي هنتكلم علي أشهر الشركات الناشئة الأمريكية اللي قررت الانسحاب النهائي من السوق الأمريكي….
شركة رقم ١ : Airware
تاريخ الإنشاء : 2011
مجموع المال المُستثمر : 118 مليون دولار.
بتعمل ايه : اخترعوا سوفت وير ( Cloud) لمساعدة الشركات الإنشائية و عمليات التنقيب علي الكشف السريع للأعطال معداتهم الثقيلة عن طريق الطائرات بدون طيار من خلال جمع معلومات و داتا و تحليلها
سبب الإغلاق : لم تستطيع منافسة العملاق الصيني DJI.
كمان اعلنوا علي الويب سايت بتاعهم إن السوق لم يكن ناضج بالشكل الكافي لاستقبال هذه النوع من الأفكار. ببساطة مافيش Cash flow…
إغلاق الشركة كان مفاجأة لأكثر من ١٤٠ موظف. من أشهر المستثمرين Google GV و Horowitz.
شركة رقم ٢ : Blippar
تاريخ الإنشاء : 2011 { سنة منحوسة باين 
}
مجموع المال المُستثمر : 131.7 مليون دولار.
بتعمل ايه : من الرواد في عالم (الواقع المعزز AR).
سبب الإغلاق : نفس المشكلة… مع زيادة المنافسة من الشركات التقيلة مقدرتش تزود من مصادر الدخل بتاعها و لا حتي تحافظ عليه… الفلوس خلصت… مقدروش يستحملوا.
من أشهر المستثمرين Qualcomm و Candy ventures.
شركة رقم ٣ : Bluesmart
لعبة الاستثمار تزداد تنافسية.
Shane Doe, Entrepreneur.
تاريخ الإنشاء : 2013
مجموع المال المُستثمر : 25.6 مليون دولار
بتعمل ايه : اخترعوا أول شنطة سفر (ذكية) تتوصل بالموبايل و يتم التحكم فيها و بتوفر مميزات كتير منها خاصية التتبع الاقفال الرقمي و بطارية لشحن التيليفون.
سبب الإغلاق : حظهم وحش.. أو ماكنش عندهم خطة لوتجهة ال Risks اللي بالشكل ده.. .. الحكومة الأمريكية أصدرت قانون بمنع استخدام البطاريات في الشنط داخل المطارات… بس كده.. تم بيع التكنولوجيا المستخدمة و التصاميم لشركة Travel pro.
شركة رقم ٤ : Theranos
تاريخ الإنشاء : 2003
مجموع المال المُستثمر : 1.3 مليار دولار!! انت متخيل الرقم اللي اتحرق!
بتعمل ايه : شركة قالت انها توصلت لاكتشاف علمي هيغير عالم تحاليل الدم!
سبب الإغلاق : من كام شهر خلصت كتاب من ٣٢٠ صفحة بيجاوب علي السؤال ده ف كل اللي هقدر أقوله ان الاكتشاف الرهيب “طلع فنكوش”… زي شركات كتير للأسف مابيكونش عندها قيمة حقيقية بس عندها علاقات و PR قوية ف ظبيأخدوا وضع أكبر من وضعهم في السوق….. كل حاجه هتنكشف عاجلا ام اجلا.
تم تغريم الرئيس التنفيذي مبلغ و قدره 500 الف دولار و تم منعها من مزاولة العمل في أي منصب إداري في القطاع العام لمدة ١٠ سنين.
شركة رقم ٥ : Shyp
تاريخ الإنشاء : 2013
مجموع المال المُستثمر : 62.1 مليون دولار.
بتعمل ايه : بتقدم خدمات للنقل من أول متأخذ البضاعة لحد توصيلها.
سبب الإغلاق : مقدرش يكمل عشان معرفش يكبّر البيزنيس ….يعني معرفش ياخد خطوة لقدام…
تم وقف جميع العمليات في كل الولايات ما عادة سان فرنسيسكو …حتى يتم مراجعة ال-business model.
شركة رقم ٦ : Rethink Robotics
تاريخ الإنشاء : 2008
مجموع المال المُستثمر : 149.5 مليون دولار.
بتعمل ايه : كانت من أكبر الشركات في مجال الروبوتس التعليمية.
سبب الإغلاق : ببساطة مافيش مَكسب! الشركة دي كان فيها واحد من أعظم العقول و هو Rod brooks…بس في الاخر لو مافيش profit واضح مافيش أمل لوجود الشركة… المكسب هو الأساس! …. عشان كده فيه ناس خايفة علي Uber… عندهم نفس المشكلة تقريبا.
عايز اقولك ان في اكثر من 533 شركة ناشئة فشلت وتوقفت عن العمل في سنة 2019 بس، بالرغم من حصولهم على استثمار ٢ مليار دولار.
