قصة نجاح دونالد ترامب في مجال التجارة مهمة لاي حد، ترامب عصامي بنى نفسه بنفسه وبقى معاه فلوس كتير من التجارة في العقارات، واكيد هنلاقي في قصة نجاحه اللي يساعدنا علشان نقدر ناخد اول خطوة في تجارة العقارات.
إقرأ المزيد: دليل لعمل دراسة جدوي كاملة لمشروعك
مين هو دونالد ترامب؟
- اتولد دونالد ترامب سنة 1946 في مدينه نيويوك ، ليه اربع اخوات، من اسرة امريكية عادية، ابوه كان شغال مقاول في نيويورك.
- من بدايته في المدارس كان واضح على ترامب انه هيكون قيادي ناجح، بس كان بيعمل مشاكل كتير في مدرسته، علشان كدا نقله والده للاكاديمية العسكرية علشان يحسن من اخلاقة وانفعالاته المتكررة.
- عارض والده في البداية، بس بعد كدا حب الحياة العسكرية وفضل في الاكاديمه لحد ما دخل الجامعة، وهو بيوصف المرحلة دي انها علمته الانضباط وانه يقدر يسيطر على نفسه من الانفعال، وازاي يحول الغضب الى قوة للنجاح.
- لكن ترامب مهتمش بالدراسة الفعلية ودرجاتة العلمية كانت متدنيه، كان بينجح ويعدي باقل الدرجات، من عام للتاني، علشان كان مشغول ديما انه يروح للمواقع اللي بيشتغل فيها والده.
- انضم لجامعة فوردهام وبعد عامين انضم لجامعة افضل بنسلفانيا وتخرج وحصل على شهادة في الاقتصاد عام 1968.
أغلب الناس يفكر على نطاق صغير لأنهم يخشون النجاح، يخافون اتخاذ القرارات، يخشون الفوز، وهذا يعطي أناس مثلي ميزة كبيرة.
وظايف دونالد ترامب بعد التخرج
بعد ما خلص جامعة رجع علشان يشتغل مع والده، بس معجبوش الوضع من الظروف الصعبة اللي بيشتغل فيها والده، ومفيش مقابل مادي او ربح كويس في العمل الصغير ده وبدأ يغير ويدور على الافضل.
سنة 1971 انتقل لحي مانهاتن في ولاية نيويورك وبدا يدور على اي فرص في مجال العقارات، وانضم لنادي الاغنياء واصحاب الاعمال علشان يتعرف عليهم وفضل على كدا لحد ما جاتله الفرصة، طبعا قربه من الاغنياء قدر يعرف احتياجاتهم في مجالات كتير ومنها العقارات.
اول مكاسب دونالد ترامب
لما سوق العقارات تراجع، بدأ يستغل الفرصة علشان يعمل اول صفقة خاصة كبيرة في حياته وهو عنده 27 سنه بس، مبناش اي حاجة في مانهاتن بس قرر انه يشتري ارض في مانهاتن رغم ان السوق متدهور في نيويورك في الفتره دي.
وكان شعاره في البيزنس:
مش هيضرك ابدا تشتري قطعة أرض كويسة بسعر متدني
Trump
وكمان كان عاوز يشترى قطعة ارض مهجورة قريبة من السكه الحديد، وفي الوقت ده اسس شركته وسماها مؤسسة ترامب سنة 1973، واستخدم كلمة مؤسسة علشان يوهم اصحاب الارض انها شركة كبيرة، وبالفعل نجح وخد صفقته الاولى واشترى الارض.
بعد نجاحة في اول صفقة، اشترى في شارع ويست ارض وكان ليه ناس معارضة كتير بسبب التنافس، بس وعد الناس انه هيبني مركز تجاري بسعر اقل ونجح يعمل كدا.
بعدها انتقل لوسط المدينة في فندق الكومودور، في الوقت ده كان الفندق فيه مشاكل كتير، ساعده مهندس معماري وصمم ترامب الفندق المشهور وبقى ليه شكل جديد، وتعاقد مع ادراة جديدة وبنوك علشان يقرضوه الفلوس اللي ينفذ بيها كل ده، وبالفعل افتتح الفندق مرة تانية بشكله الجديد سنة 1980 وده نجاح كبير كان ليه صدى كبير.
ابراج ترامب
اول ما جه مانهاتن كانت عينه على ارض في تقاطع شارعين مشهورين في مكان حيوي وجاذب، حلمه انه يبني برج من 68 دور مخصص للاغنياء للسكن وللاعمال، بالفعل بناه في 4 سنين وسماه برج ترامب، وده يدل على بعد نظرة وذكاءه.
البرج ده فيه شلال من المياه طوله 7 ادوار، انُتقد في البداية بس بعد كدا بقى مكان للسياح في دول العالم.
بعدها خرج من الولايات المتحدة وبدأ يبنى في اماكن تانية، وبدأ يخرج بعيد عن العقارات وبنى ملاعب جولف ونوداي القمار.
بعدها قدر انه ياخد حقوق حصرية في البرامج التلفزيونية زي برنامج ملكة جمال امريكا، وبدأ تصوير برنامج في التلفزيون وسماه المتدرب، في بداية حلقات برنامجه كان بيدفع 50 الف دولار للبث والتصوير في كل حلقة، لكن بعد النجاح والشهرة للبرنامج، بقى بيكسب 3 مليون دولار في الحلقة الواحدة.
اعلان افلاس دونالد ترامب
في اول التسعينيات بقت المدينه بتواجه مشاكل في العقارات، مشاكل متوقعاش، وده خلاه انه ميقدرش يدفع قروضه من البنوك اللي صلت 3 ونص مليار دولار تقريبا، فوائد البنوك كانت اكبر من السعر الموجود في السوق!
سنة 1991 اعلن افلاسه بالفعل اول مره في حياته، كان عنده ديون على الشركات وديون عليه شخصيا وصلت 900 مليون دولار بسبب طريقة حياته الغير سوية.
مهم: افضل طريقة تعرف بيها مشروعك التاني
صفقات عودة ترامب
ترامب مكانش من الناس العادية اللي تستسلم بسهولة، عمل صفقات للخروج من الازمة الكبيرة.
حصلت مشكلة للبنوك والدائنون بسبب بيع اصول ترامب وتحويلها لفلوس، مشكله اللي خلتهم يعيدوا جدولة الديون الباقيه وخفضوا الفايدة على الديون دي، وخد مهله اكبر علشان يسدد القروض، مقابل كل ده امتلكوا المقرضون نص كازينو القمار.
بعدها بسنة اعلن افلاس فندق ترامب بلازا، اللي خلاه انه يتنازل عن 49% من الفندق للدائنين ، علشان يقدر ياخد فترة افضل يسد فيها ديونه وكانت حوالي 550 مليون دولار.
بالفعل سدد ترامب معظم ديونه الشخصية والديون اللي على اعماله، تنازل كتير بس في الاخر قدر يرجع بقوة.
سنه 1995 كان فيه مشاكل اقتصادية، بسبب توقف الشركة عن الوصول للربح وزاد الدين عليه عن 2 مليار دولار، استمرت المشاكل حتى سنة 2004 واعادة جدولة ديونه، ببيع جزء من حصته للدائنين مقابل التنازل عن ديونهم.
2005 بقت شركاته خارج الحماية من الدائنين اللي قانون الافلاس التجاري الامريكي بيدهاله، افلاسات مشاريعه مخلصتش، وزادت تاني بس كل مرة هو عارف هيخرج من الازمات دي ازاي!
دي كل قصة نجاح دونالد ترامب في مجال التجارة في العقارات، فيها عيوب وفيها بردو نجاحات كبيرة، فيه حاجات كتير في حياة ترامب، بس دي اهم النقاط اللي نتكلم عنها علشان نستفيد منها، وازاي تقدر انك تبدا في مجال زي العقارات حتى لو من الصفر.
