ديفيد هو انجليزي الاصل بدأ شغله من تحت الصفر، مكملش دراسة في الجامعه، واشتغل في اكتر من وظيفة، اشتغل في البداية طباخ في فندق فرنسي، وبعد كدا بياع في فرن، لحد ما اخوه شغله معه في وكالة اعلانات في لندن.
لو هنتكلم بمعايير دلوقتي الراجل ده فاشل ومينفعشي يشتغل في مجال الاعلانات، بس بعد كدا ثبت وجودة وكفاءته، وشغله اقنع الشركة اللي شغال فيها انه يسافر لامريكا.
بداية نجاح ديفيد أوجيلفي في الاعلانات
عمل وكالة اعلانات في نيويورك، اسمها أوجيلفي وماذر، واللي دعمه فيها شركته السابقة اللي كان شغال فيها في لندن، ووصل بيها انها تكون من قمم شركات الاعلانات، لغاية ما بقي ديفيد رائد صناعة الاعلانات في العالم، كمان الكل متفق ان ديفيد أوجيفلي هو الاب الروحي لصناعة الاعلانات.
مات ديفيد أوجيلفي، سنه 1999، وساب وراه مجموعة من النصائح المهمه عن الاعلانات والاسباب وراء نجاح الاعلانات دي.
مهم: 7 افكار تسويقية للشركات الصغيرة
نصائح ديفيد أوجيلفي عن الاعلانات
- لو المبيعات مزادتش بسبب الاعلان يبقى ده اعلان مفيهوش ابداع.
- اوعى تتوقف عن التجارب، ووقتها اعلاناتك مش هتقف عن انها تتحسن.
- اللي بيتقال في الاعلان أهم من الطريقة اللي بتقوله بيها.
- الاعلان الكويس هو اللي قادر يبيع المنتج المعروض من غير ما يشد الانتباه ليه.
- لازم كل اعلان يكون اضافة لصورة العلامات التجارية للمنتجات.
- لو اعلانك موجود فيه معلومات مفيده كتير، هيشد الناس ويقنعها بالمنتج.
- الاعلانات شر لما بتعلن عن الحاجات الشريرة.
- انا مش بشوف الاعلانات انها للترفيه ولا هي فن، لازم تكون وسيلة عشان توصل المعلومات.
- اللي يخلي الناس يشتروا او ميشتروش المنتج المعروض هو المحتوى اللي موجود في الاعلان مش شكله وخلاص.
- متكتبش نصّ دعائي وانت مش عاوز اسرتك تشوفه، انت عمرك ما هتكذب على مراتك، فأكيد مش هتكذب عليا.
- لو معرفتش تعلن عن نفسك، ايه هي فرص نجاحك في الاعلان عن اي منتج تاني.
- احسن فكرة بتيجي على صورة حدوتة أو حادجة مضحكة، يبقى لازم تخلي تفكيرك مضحك على قد ما تقدر.
- لو جربت المنتج على الناس، ولو جربت اعلاناتك، بالطريقة دي هتنجح في السوق.
- في عالم المال والاعمال دلوقتي، مفيش فايدة انك مفكر أو مبدع، لو منجحتش في بيع اي حاجه انت بتبدع فيها.
- المُعلن اللي بيتجاهل فكرة الابحاث، زيه زي قائد الجيش اللي بيتجاهل إشارات العدو في المعارك.
- المستهلك مش هيشتري منتج معين عشان الشركة قالتهلم في اعلان التليفزيون نكته أو حاجه تضحك وبس.
- جرب تشوف اعلانك اللي متصور من غير صوت، ولو فشل الاعلان في توصيل الرسالة من غير أصوات، هيكون اعلان فاشل.
- الناس مش غبيه، هتلاقيهم زي مراتك، انت بتسبب الاهانه للناس لو فكرت انهم ممكن يشتروا منتجك بسبب عناوين براقه وكلام كتير على الفاضي، مراتك بتكون عاوزه تعرف كل المعلومات اللي ممكن تديهالها.
إقرأ المزيد: التسويق بالأسرار – أرجوك متقولش لحد
- احسن الاعلانات بتيجي من التجارب الشخصية، افضل اعلاناتي جت بسبب مواقف في حياتي الحقيقية، وده خلى الاعلانات واقعية ومقنعه.
- لو الحظ لعب معاك ونجحت في حملتك الاعلانية، هتلاقي بسرعه وكاله اعلانيه تانيه بتسرق فكرتك وبتقلدها، دي حاجه مش كويسه، بس متفكرشي فيه كتير، مفيش حد بيعمل علامة تجارية وتكون ناجحه بسبب تقليد غيرهم.
- الاعلان يعتبر هو صناعة الكلام، بس في الواقع وكالات كتير فيها نساء ورجال مبيعرفوش ازاي يكتبوا، دول مبيعرفوش ازاي يكتبوا اعلان، وده هيخليهم فاشلين في كتابة الخطط، دول عجزة، عاملين زي الخرس اللي واقفين على المسرح.
- عدد اللي بيقروا العناوين بس، بيكونوا قد خمس أضعاف اللي بيقروا باقي الاعلان، لو كتبت عنوان اعلان، خلى عندك علم انك صرفت عليه 90% تمن الاعلان ده.
- محتوى اي اعلان كويس، مش بيعتمد على كتابته بس، الكتابه بتكون وظيفة، لازم يكون عندك ايمان بالمنتج اللي بتعلن عنه.
- ابعد عن العميل اللي بيشوف الاعلان على انه مجرد حاجه مش مهمه في التسويق، دول بينهبوا ميزانية الاعلانات لما بيحتاجوها.
- مش متميز في اللغات، بس لو حاولت تقنع الناس انهم يشتروا حاجه معينة، فلازم تتكلم نفس اللغة اللي بيتكلموا بيها.
- خلى عندك موظفين احسن منك، وسيبهم مع نفسهم، خلى عندك ناس عندهم طموح مش بينتهي، ناس مش بيقتنعوا بالعادي والتقليدي.
- اهداف الاعلانات هي بيع المنتجات المعروضة، مش سبب يكون ترفيهي للناس، الاعجاب بالاعلان ملوش علاقة، وتحقيق البيع سبب الاعجاب ده، ده مش سبب ان الاعلان يكون ممل، لازم يكون انساني وودود.
- اي مستشفى كبير له وظيفيتين: الاولى انه بيعالج المرضى، والتانيه تعليم الدكاترة الصغيرين انهم يهتموا بالعملاء، وتعليم فن الاعلان.
- الكتاب والمصممين والفنيين، لو عاوزين يكسبوا جوائز تقديرية، لازم تركيزكوا يكون على المنتج اللي بتعلن عنه.
- خليك حريص لما تعمل اجتماعات للمبيعات في شركتك، يكون في مكان ضيق، عشان كل الناس تشارك وتتكلم وتسمع، بسبب ان الاماكن الواسعه والفاضية بتوهم الناس بالفشل.
- لو وظفنا ناس اقل مننا، الشركة هتفشل واحنا لسه في اللفه، ولو وظفنا ناس اكبر منا، هتبقى شركة عملاقة وكبيرة.
- مش تطلب الموظفين للمكتب بتاعك عشان ده بيخليهم خايفين، روح انت ليهم وشوفهم على مكاتبهم، ده هيخيلك ظاهر للعاملين معاك في شركتك، المدير اللي مش بيلف على مكاتب وطرقات الشركة بيكون فاقد التواصل مع الموظفين.
تعرف علي: دليلك لعمل دراسة جدوي كاملة لمشروعك
